Laus störf Hæfnileit Vinnustaðir Námskeið

Leikskólinn Strandheimar

Leikskólinn Strandheimar - Brimver og Æskukot Leikskólinn Strandheimar er starfræktur á tveimur starfsstöðum, Brimveri á Eyrarbakka og Æskukoti á Stokkseyri. Leikskólinn er fjögurra deilda og eru eldri og yngri deild á sitthvorri starfsstöðinni. Leikskólinn starfar eftir Aðalnámskrá leikskóla og lögum um leikskóla, auk þess að vera Heilsueflandi leikskóli og Skóli á grænni grein. Leiðarljós Strandheima eru Vellíðan - Sköpun - Virðing og eru þau leiðarvísir að þeim markmiðum sem við viljum að séu gegnum gangandi í leikskólastarfinu og samskiptum innan hans. Það er mikilvægt að stórum sem smáum líði vel, að virðing sé borin fyrir náunganum og að sköpunarkraftur einstaklingssins fái notið sín. Það er ósk okkar að börnin: Kynnist leikgleði Öðlist færni í samskiptum Læri að meta hreyfingu og þá ánægju sem hreyfing veitir Fái frelsi til sköpunar í leik og starfi Hlutverk kennarans er að vera góð fyrirmynd, grípa tækifærið og vera minnugur þess að leikurinn er námsleið leikskóla.

Vinnustaðurinn

Leikskólinn Strandheimar auglýsir eftir deildarstjórum

Viltu leiða starf með börnum og starfsfólki í umhverfi þar sem vellíðan, sköpun og virðing eru leiðarljós daglegs starfs?

Leikskólinn Strandheimar leitar að deildarstjórum til starfa frá hausti 2026 (eða eftir nánara samkomulagi).

Strandheimar starfa á tveimur starfsstöðvum, Brimveri á Eyrarbakka og Æskukoti á Stokkseyri. Við erum lítill leikskóli með sterka faglega sýn þar sem lögð er áhersla á náin tengsl, samvinnu og ígrundun í starfi.

Deildarstjóri ber ábyrgð á daglegu starfi deildar og leiðir faglegt starf í samstarfi við stjórnendur og starfsfólk.

Í Strandheimum leggjum við áherslu á:

Heilsueflandi leikskóla
Jákvæðan aga
Hæglæti í leiðtogastarfi og daglegum samskiptum

Í Sveitarfélaginu Árborg búa rúmlega 12.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Að leiða og bera ábyrgð á faglegu starfi deildar
Að skipuleggja og fylgja eftir uppeldis- og menntastarfi
Að styðja við og leiðbeina starfsfólki í daglegu starfi
Að efla jákvætt og traust samstarf við foreldra
Að taka þátt í þróunarstarfi og faglegri ígrundun

Menntunar- og hæfniskröfur

Leyfisbréf sem leikskólakennari
Reynsla af starfi í leikskóla
Leiðtogahæfni og færni í teymisvinnu
Góð íslenskukunnátta

Við leitum að einstaklingi sem:

hefur skýra faglega sýn og áhuga á að leiða starf með börnum
er jákvæður, lausnamiðaður og styður við teymisvinnu
hefur hæfni í samskiptum og vill byggja upp traust og gott starfsumhverfi
hefur áhuga á þróun og ígrundun í starfi

Við bjóðum

Hlýtt og styðjandi starfsumhverfi
Tækifæri til að hafa raunveruleg áhrif á faglegt starf
Samstarf í öflugu og metnaðarfullu teymi
Áherslu á vellíðan, jafnvægi og hæglæti í starfi

Umsóknarfrestur er til og með 20. apríl 2026

Umsóknum fylgi yfirlit yfir nám og fyrri störf ásamt rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar veitir:
Birna Guðrún Jónsdóttir, leikskólastjóri
[email protected]
480 6352

Við hlökkum til að heyra frá þér!

Auglýsing birt7. apríl 2026

Umsóknarfrestur20. apríl 2026

Tungumálahæfni