Laus störf Hæfnileit Vinnustaðir Námskeið

Skaftárhreppur

Skaftárhreppur er einn af landstærstu hreppum Íslands. Flestir búa í dreifbýli. Íbúar í Skaftárhreppi voru 625 1. janúar 2021. Aðalatvinnuvegir eru landbúnaður og ferðaþjónusta. Veðursæld er í Skaftárhreppi þar sem vetur eru mildir og sumur hlý. Margar náttúruperlur eru í hreppnum s.s. Landbrotshólarnir, Dverghamrar og Fjaðrárgljúfur. Hluti Skaftárhrepps er á Vestursvæði Vatnajökulsþjóðgarðs þar sem eru Lakagígar, Eldgjá og Langisjór. Nánari upplýsingar má finna á www.klaustur.is

Vinnustaðurinn

List- og verkgreinakennari - Kirkjubæjarskóli

Kirkjubæjarskóli óskar eftir að ráða list- og verkgreinakennara til starfa sem einnig annast tölvuumsjón.

Helstu verkefni og ábyrgð

Kennsla list- og verkgreina, horft verður til sérhæfingu umsækjanda
Áhersla á teymiskennslu og kennsluaðferðir sem skila árangri
Stuðla að velferð nemenda í samstarfi við foreldra, stjórnendur og fagfólk
Vinna að jákvæðum skólabrag ásamt starfsfólki skólans
Vinna að þróun skólastarfs í samstarfi við stjórnendur og samstarfsfólk
Vinna eftir stefnu skólans í eineltis- og forvarnarmálum

Menntunar- og hæfniskröfur

Leyfisbréf til kennslu (leyfisbréf skal fylgja umsókn)
Leikni í fjölbreyttum kennsluháttum
Áhugi á að starfa með börnum og ungmennum
Mjög góð samskiptahæfni og sveigjanleiki
Frumkvæði og sjálfstæði í vinnubrögðum
Jákvæðni og áhugi á að starfa í skapandi og metnaðarfullu umhverfi
Stundvísi og samviskusemi
Mjög góð íslenskukunnátta
Hreint sakavottorð

Nýlega voru skólastofnanirnar Kirkjubæjarskóli á Síðu og Heilsuleikskólinn Kæribær sameinaðar í einn samrekinn skóla. Einkunnarorð skólans eru: Kærleikur, bjartsýni, samvinna.

Kirkjubæjarskóli er í samstarfi við Tónlistarskóla Skaftárhrepps og Héraðsbókasafnið. Þessar stofnanir eru í sama húsnæði og samtengdar íþróttahúsi og sundlaug. Mötuneyti er til staðar fyrir alla nemendur. Húsnæði grunnskólans hefur nýlega verið endurbætt, þar með talið list- og verkgreinastofur.

Nánari upplýsingar um skólann er að finna á heimasíðu skólans: https://www.kbs.is/

Ráðið er í starfið frá 1. ágúst 2026 eða eftir samkomulagi. Um er að ræða fullt starf. Laun eru samkvæmt kjarasamningi Sambands íslenskra sveitarfélaga og KÍ. Skaftárhreppur getur aðstoðað við leit á húsnæði á hagstæðum kjörum.

Kirkjubæjarklaustur er í Skaftárhreppi um 250 km austur af Reykjavík. Í sveitarfélaginu búa um 700 íbúar. Á Klaustri er taktur lífsins rólegri og möguleikar til útivistar í einstakri náttúrufegurð eru óþrjótandi.

Nánari upplýsingar:

Elísabet Gunnarsóttir, skólastjóri Kirkjubæjarskóla á Síðu – [email protected]

Geirlaug Jóhannsdóttir, framkvæmdastjóri Hagvangs – [email protected]

Auglýsing birt24. mars 2026

Umsóknarfrestur15. apríl 2026

Tungumálahæfni