Laus störf Hæfnileit Vinnustaðir Námskeið

Grunnskólinn í Þorlákshöfn

Grunnskólinn í Þorlákshöfn er skóli með nemendur frá 1. – 10. bekk. Um 290 nemendur eru skráðir í skólann og starfsmenn eru um 70 talsins. Íþrótta- og sundkennsla fer fram í íþróttamiðstöð bæjarins sem staðsett er við skólann.

Vinnustaðurinn

Skólastjóri Grunnskóla Þorlákshafnar

Sveitarfélagið Ölfus óskar eftir að ráða skólastjóra við Grunnskólann í Þorlákshöfn. Leitað er að metaðarfullum og lausnamiðuðum leiðtoga sem býr yfir þekkingu og skýrri sýn á skólastarfi og veitir faglega forystu til framtíðar þar sem tekið er tillit til mismunandi þarfa, áhuga og getu nemenda. Mikilvægt er að skólastjóri sé tilbúinn að viðhalda þeim góða skólabrag sem hefur einkennt starf Grunnskólans í Þorlákshöfn.

Helstu verkefni og ábyrgð

Stjórnun og ábyrgð á daglegri starfsemi og rekstri skólans
Fagleg forysta skólans um þróun náms og kennslu og farsæld nemenda
Ábyrgð á framþróun í skólastarfi
Hafa forystu um og styðja samstarf í samræmi við farsældarlög
Fjármál og rekstur
Leiða samstarf starfsfólks, nemenda, heimila og skólasamfélagsins í heild
Samstarf við fjölskyldu og fræðslunefnd, sviðsstjóra, bæjarstjóra og bæjarstjórn

Menntunar- og hæfniskröfur

Leyfisbréf til kennslu og kennslureynsla á grunnskólastigi
Framhaldsmenntun í stjórnun eða uppeldis- og kennslufræðum er æskileg
Farsæl reynsla af rekstri, stjórnun og skólaþróun er æskileg
Framúrskarandi hæfni og lipurð í mannlegum samskiptum
Leiðtogafærni, metnaður og styrkur til ákvarðana
Þekking á þeim lögum, reglugerðum og öðrum opinberum fyrirmælum sem varða skólastarf
Þekking á möguleikum og takmörkunum stafrænnar tækni í skólastarfi
Skipulagshæfni og góð yfirsýn
Góð íslenskukunnátta og færni til að tjá sig í ræðu og riti

Æskilegt að viðkomandi geti hafið störf í síðasta lagi 1. ágúst 2026.

Leiðarljós skólastefnu Ölfuss er að skapa nærandi lærdómssamfélag öllum hagaðilum til heilla og að hver einstaklingur fái tækifæri til vaxtar og þroska í gjöfulu umhverfi. Upplýsingar um Grunnskólann í Þorlákshöfn má finna á heimasíðu skólans, Grunnskólinn í Þorlákshöfn

Með umsókn skal fylgja kynningarbréf, ferilskrá, afrit af prófskírteinum og leyfisbréfi. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Starfshlutfallið er 100%. Við hvetjum áhugasama, óháð kyni til að sækja um starfið.

Nánari upplýsingar veita:

Jóhanna M. Hjartardóttir, sviðsstjóri fjölskyldu og fræðslusviðs, [email protected], s. 480-3800

Geirlaug Jóhannsdóttir, framkvæmdastjóri Hagvangs – [email protected]

Auglýsing birt26. mars 2026

Umsóknarfrestur13. apríl 2026

Tungumálahæfni