Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Leikskólinn Kiðagil: Leikskólakennari

Leikskólinn Kiðagil óskar eftir að ráða leikskólakennara eða starfsmann með aðra háskólamenntun (B.s. B.a. eða B.ed) sem nýtist í starfi. Um er að ræða ótímabundna 100% stöðu. Æskilegt er að viðkomandi geti hafið störf í ágúst 2025.

Í Kiðagili er lögð áhersla á Leikskólalæsi á öllum deildum þar sem leikið er með bókstafi, rím og hljóð. Skólinn er umhverfisvænn og starfar eftir SMT-styðjandi skólafærni

Einkunnarorð skólans eru „fagmennska, virðing, leikur og læsi“.

Ertu hugmyndaríkur, lausnamiðaður, jákvæður og duglegur einstaklingur með dygga þjónustulund og vilt vita meira? Kíktu í rafræna heimsókn https://kida.is

Ert þú tilbúin til að vera með okkur í liði og leggja þitt af mörkum?

Helstu verkefni og ábyrgð

Vinna að uppeldi og menntun barnanna. Fylgist vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
Taka þátt í gerð skólanámskrár, útfyllingu þroskamats, mati á starfsemi leikskólans og þróunarverkefnum undir stjórn leikskólastjóra.
Taka þátt í skipulagningu faglegs starfs deildarinnar undir stjórn deildarstjóra.
Vinna í nánu samstarfi við foreldra/forráðamenn barnanna. Sitja fundi, sem haldnir eru á vegum leikskólans.
Vinna eftir uppeldisstefnu SMT.

Menntunar- og hæfniskröfur

Umsækjendur þurfa að hafa lokið leikskólakennaranámi eða annarri háskólamenntun (B.s. B.a. eða B.ed) sem nýtist í starfi leikskólans.
Reynsla af starfi í leikskóla er kostur.
Óskað er eftir sjálfstæðum, ábyrgum, sveigjanlegum og mjög jákvæðum einstaklingum.
Reglusemi og samviskusemi.
Afar mikilvægt er að viðkomandi eigi auðvelt með mannleg samskipti, geti lesið í umhverfi sitt, sýni frumkvæði í starfi og sé tilbúinn til að takast á við skemmtilegt starf með börnum.
Viðkomandi þarf að vera tilbúin til að leita leiða og nýta tækifærin sem gefast við mótun skólans með skólaþróun að leiðarljósi.
Almenn tölvukunnátta er nauðsynleg.
Umsækjandi þarf að hafa gott vald á íslensku, bæði í töluðu og rituðu máli og geta átt samskipti á íslensku við nemendur, samstarfsfólk og foreldra.
Þekking á SMT/PMTO er kostur
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun (ferilskrá og prófskírteini skal skila inn með umsókn), kennslureynslu og þau verkefni sem hann hefur unnið að og varpað geta ljósi á færni hans til að sinna starfi kennara.

Leikskólakennari starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðsstefnu Akureyrarbæjar og skólastefnu Akureyrarbæjar.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kennarasambands Íslands vegna Félags leikskólakennara.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Inda Björk Gunnarsdóttir skólastjóri í síma

414-3770/898-6313, netfang: [email protected]

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 16. maí 2025

Auglýsing birt5. maí 2025

Umsóknarfrestur16. maí 2025

Tungumálahæfni