Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Lundarskóli: Matráður

Í Lundarskóla er laus til umsóknar 100% staða matráðs. Um er að ræða ótímabundna stöðu sem ráðið verður í frá 15. ágúst 2025.

Leitað er að einstaklingi með metnað, sem sýnt hefur árangur í störfum sínum og leggur áherslu á vellíðan nemenda í samstarfi við aðra starfsmenn og stjórnendur skólans.

Í Lundarskóla er unnið með SMT skólafærni og heilsueflandi skóla. Lundarskóli leggur áherslu á teymisvinnu og framþróun í skólastarfi.

Einkunnarorð skólans eru: ábyrgð - virðing – vellíðan

Viltu vita meira? Kíktu í rafræna heimsókn https://www.lundarskoli.is/

Helstu verkefni og ábyrgð

Er verkstjóri í eldhúsi/mötuneyti skólans
Sér um að elda graut að morgni, hádegismat í mötuneyti og síðdegishressingu fyrir nemendur í skólavistun auk tilfallandi veitinga á fundum og mat fyrir starfsfólk á starfsdögum
Ber ábyrgð á að fylgja sameiginlegum matseðlum skólanna fyrir hvern mánuð skólaársins. Ber ábyrgð á sérstökum matseðlum fyrir nemendur með mataróþol
Sér um innkaup fyrir mötuneyti skólans og kaffistofu starfsfólks
Fylgist með og ber ábyrgð á rekstrarstöðu mötuneytis, sér um innkaup fyrir mötuneyti og leitast við að innkaup og skipulagning séu sem hagkvæmust
Annast daglega ræstingu eldhúss í samstarfi við aðstoðarmatráða

Menntunar- og hæfniskröfur

Matreiðslumaður eða matartæknir
Reynsla af rekstri mötuneyta eða skólaeldhúsa
Reynsla af verkstjórn
Þekking á ráðleggingum Lýðheilsustöðvar varðandi skólamáltíðir er æskileg
Almenn tölvukunnátta
Kunnátta í skyndihjálp
Frumkvæði og samstarfsvilji
Sveigjanleiki og víðsýni í starfi og samskiptum
Góðir skipulagshæfileikar
Stundvísi, samviskusemi, reglusemi og færni í almennum samskiptum
Góð íslenskukunnátta
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Umsókninni skal fylgja greinargóð skýrsla um störf umsækjanda og menntun, reynslu og þau verkefni sem hann hefur unnið að og varpað geta ljósi á færni hans til að sinna starfi matráðs.

Starfsmenn skólans gegna starfinu samkvæmt grunnskólalögum, reglugerðum, starfslýsingum, kjarasamningum, og mannauðsstefnu Akureyrarbæjar eftir því sem við á.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Allar nánari upplýsingar veitir Maríanna Ragnarsdóttir skólastjóri í netfangi [email protected] eða í síma 4624888.

Einungis er tekið á móti rafrænum umsóknum á heimasíðu Akureyrarbæjar: www.akureyri.is

Aðgengi að tölvu og aðstoð við umsóknir stendur til boða í þjónustuveri Akureyrarbæjar, Geislagötu 9.

Umsóknarfrestur er til og með 20. maí 2025

Auglýsing birt5. maí 2025

Umsóknarfrestur20. maí 2025

Tungumálahæfni