Leikskólakennari Seljakot

Leikskólakennari óskast við leikskólann Seljakot. Í Seljakoti dvelja 84 börn á fimm deildum. Nýlega var tekin í notkun ný starfsmannaálma og hreyfisalur, á næstu dögum verður opnuð ný deild. Starfsaðstæður bæði kennara og barna í Seljakoti eru fyrirmyndar.

Í starfi okkar með börnunum er meðal annars horft til hugmyndafræði Reggio Emilia á Ítalíu sem er þekkt fyrir skapandi starf og gagnrýna hugsun. Leiðarljós leikskólans er frumkvæði - sköpun - tjáning.

Leikskólinn er staðsettur við Rangársel í Seljahverfi. Í bakgarðinum er Seljadalur þar sem umhverfið er afar fallegt og fjölbreytt í óspilltri náttúrunni. Dalurinn býður upp á ótal kennslumöguleika með börnum þar sem m.a. má finna læki, tré, gróður og dýralíf.

Það eru fjölbreytt og skemmtileg verkefni framundan í Seljakoti. Starfsmannahópurinn er samheldinn og innan hans ríkir sérstaklega góður starfsandi. Óskað er eftir leikskólakennurum sem eru tilbúnir til að taka þátt og þróa starfið en frekar og vera um leið hluti af heildarsýn skólans og því faglega starfi sem þar fer fram.