Leikskólakennari - Leikskólinn Rofaborg

Um starfið

Leikskólakennari óskast til starfa í leikskólann Rofaborg í Árbæ. Rofaborg er rótgróinn, fimm deilda leikskóli í hjarta Árbæjar. Við leitum að metnaðarfullum einstaklingum sem eru tilbúnir að takast á við skemmtileg og krefjandi verkefni, vaxa í starfi og aðstoða litla fólkið sem hér dvelur við að þroskast og dafna. Rofaborg er líflegur starfsstaður þar sem lögð er áhersla á að nýta styrkleika hvers og eins svo að allir hafi tækifæri á að hafa áhrif á stafið. Útikennsla, hreyfing og sköpun er ríkur þáttur í starfi leikskólans hjá öllum börnum, sem og félagsfærniþjálfun, málörvun og læsi.

Einkunnarorð Rofaborgar eru leikur - gleði - vinátta.

Hægt er að sækja um fullt starf og hlutastarf eftir hádegi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er. Umsækjendur þurfa að hafa náð 18 ára aldri.