Kópasteinn

Kópavogskirkjan er á hæðinni fyrir ofan okkur, Listasafn Gerðar Helgadóttur blasir við og Salurinn. Þá er Borgarholtið hér allt í kring, með nýju safnaðarheimili Kópavogskirkju á horni Hábrautar. Börnin þurfa því ekki að fara langt til að upplifa fagurt útsýni, fallegar byggingar og menningu. Vettvangsferðir eru tíðar í nærliggjandi stofnanir og nánasta umhverfi.

Vinnustaðurinn

Leikskólakennari óskast í spennandi störf

Ert þú ábyrgur, jákvæður og sjálfstæður leikskólakennari sem hefur gaman af nýjum áskorunum? Þá gætum við verið að leita að þér!

Leikskólinn Kópasteinn hóf starfsemi 1964 og er því elsti leikskóli Kópavogs. Skólinn er staðsettur í Borgarholtinu við Hábraut 1, stutt er í allar helstu menningarstofnanir bæjarins. Í skólanum eru 98 börn á fimm deildum og er húsnæði skólans í tveimur byggingum. Starfað er eftir Aðalnámskrá leikskóla með áherslu á lífsleikni, tónlist og málrækt. Við skólann starfar reynslumikill hópur kennara og starfsfólks sem leggur áherslu á að gera góðan skóla betri alla daga. Gaman saman eru einkunnarorð skólans og endurspeglar það daglegt starf.

Heimasíða leikskólans er kopasteinn.kopavogur.is

Helstu verkefni og ábyrgð

Vinnur að uppeldi og menntun barnanna.
Tekur þátt í skipulagningu faglegs starfs deildarinnar undir stjórn deildarstjóra.
Tekur þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
Vinnur í nánu samstarfi við foreldra/forráðamenn barnanna.
Sinnir þeim verkefnum er varðar uppeldi og menntun barnanna sem yfirmaður felur honum.
Starfið felur í sér almenna kennslu.

Menntunar- og hæfniskröfur

Leikskólakennaramenntun eða önnur uppeldismenntun.
Ábyrgur og jákvæður einstaklingur sem á auðvelt með mannleg samskipti.
Sjálfstæð vinnubrögð.
Góð íslenskukunnátta.
Ef ekki fæst leikskólakennari verður ráðinn starfsmaður með aðra uppeldismenntun eða leiðbeinandi.

Launakjör eru samkvæmt kjarasamningi Sambands íslenskra sveitafélaga og viðeigandi stéttarfélags.

Þau sem eru ráðin til starfa í leikskólum Kópavogs þurfa að undirrita heimild til upplýsingaöflunar úr sakaskrá ásamt trúnaðaryfirlýsingu.

Umsóknarfrestur til og með 09. apríl 2024. Ráðið verður í stöðurnar eftir samkomulagi.

Tekið verður mið af jafnréttisstefnu Kópavogsbæjar við ráðningu í starfið.

Nánari upplýsingar veita Margrét Lárusdóttir leikskólastjóri og Linda Olsen aðstoðarleikskólastjóri í síma 4415701 eða kopasteinn@kopavogur.is

Einungis er tekið við umsóknum í gegnum ráðningarvef Alfreðs.

Auglýsing stofnuð26. mars 2024

Umsóknarfrestur9. apríl 2024

Tungumálakunnátta