Leikskólinn Strandheimar

Leikskólinn Strandheimar - Brimver og Æskukot Leikskólinn Strandheimar er starfræktur á tveimur starfsstöðum, Brimveri á Eyrarbakka og Æskukoti á Stokkseyri. Leikskólinn er fjögurra deilda og eru eldri og yngri deild á sitthvorri starfsstöðinni. Leikskólinn starfar eftir Aðalnámskrá leikskóla og lögum um leikskóla, auk þess að vera Heilsueflandi leikskóli og Skóli á grænni grein. Leiðarljós Strandheima eru Vellíðan - Sköpun - Virðing og eru þau leiðarvísir að þeim markmiðum sem við viljum að séu gegnum gangandi í leikskólastarfinu og samskiptum innan hans. Það er mikilvægt að stórum sem smáum líði vel, að virðing sé borin fyrir náunganum og að sköpunarkraftur einstaklingssins fái notið sín. Það er ósk okkar að börnin: Kynnist leikgleði Öðlist færni í samskiptum Læri að meta hreyfingu og þá ánægju sem hreyfing veitir Fái frelsi til sköpunar í leik og starfi Hlutverk kennarans er að vera góð fyrirmynd, grípa tækifærið og vera minnugur þess að leikurinn er námsleið leikskóla.

Vinnustaðurinn

Leikskólakennarar hjá leikskólanum Strandheimum

Leikskólinn Strandheimar auglýsir eftir leikskólakennurum frá og með 1. febrúar 2025.

Leitað er að leikskólakennurum sem hafa áhuga á að starfa í leikskóla þar sem fram fer faglegt leikskólastarf með áherslu á leik, samvinnu, traust og gleði. Í leikskólanum Strandheimum er virkt lærdómssamfélag. Leikskólinn er heilsueflandi leikskóli.

Leikskólakennari starfar samkvæmt stefnumörkun leikskólans sem tekur meðal annars mið af menntastefnu Sveitarfélagsins Árborgar, aðalnámskrá leikskóla, lögum og reglugerðum um leikskóla og öðrum lögum er við eiga.

Um er að ræða gefandi og skemmtilegt starf í góðu starfsumhverfi barna og kennara. Áherslur Strandheima eru á leik barna, heilsueflingu, jákvæð og uppbyggjandi samskipti og umhyggjusamt námsumhverfi. Leiðarljós leikskólans eru Vellíðan - Sköpun - Virðing.

Í Sveitarfélaginu Árborg búa tæplega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Að vinna að uppeldi og menntun leikskólabarna.
Að fylgjast vel með velferð leikskólabarna og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
Að taka þátt í teymisvinnu, foreldrasamstarfi og sinna faglegum verkefnum sem deildarstjóri felur honum.
Að taka þátt í skipulagningu faglegs starfs deildarinnar undir stjórn deildarstjóra.
Að taka þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
Að sitja starfsmannafundi og aðra fundi er yfirmaður segir til um og varða starfsemi leikskólans.
Að efla og viðhalda fagþekkingu sinni með reglubundinni endur- og símenntun.
Að sinna þeim verkefnum er varða uppeldi og menntun leikskólabarna sem yfirmaður felur honum.

Menntunar- og hæfniskröfur

Leyfisbréf kennara.
Reynsla í leikskólastarfi æskileg.
Færni í mannlegum samskiptum.
Reynsla, hæfni og áhugi í starfi með börnum.
Jákvæðni, frumkvæði, skipulagshæfileikar og sjálfstæð vinnubrögð.
Færni til að tjá sig í ræðu og riti.
Góð íslenskukunnátta æskileg.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Frekari upplýsingar veitir Birna Guðrún Jónsdóttir, leikskólastjóri, sími: 480-6352. Netfang: birnagj@arborg.is

Heimasíða leikskólans: strandheimar.arborg.is

Auglýsing birt18. janúar 2025

Umsóknarfrestur27. janúar 2025

Tungumálahæfni