Laus störf Hæfnileit Vinnustaðir Námskeið

Leikskólinn Hulduheimar

Leikskólinn Hulduheimar opnaði 14. nóvember 2006. Í Hulduheimum geta 120 börn dvalið samtímis og tæplega 40 starfsmenn í mismunandi stöðuhlutföllum. Leikskólinn starfar í ljósi hugmyndafræði John Dewey. Grunnhugmyndir uppeldisstefnu John Dewey byggjast á hugmyndum sem er lýst á einfaldan hátt í einkunnarorðunum ,,learning by doing“, að læra í athöfn eða að læra af eigin reynslu. Lögð er áhersla á að efla virðingu fyrir einstaklingnum, sjálfshjálp, félagsfærni og snemmtæka íhlutun

Vinnustaðurinn

Leikskólakennarar

Leikskólinn Hulduheimar auglýsir eftir leikskólakennurum frá og með 12. janúar 2026.

Leitað er að leikskólakennurum sem eru tilbúnir að starfa í leikskóla þar sem fram fer faglegt leikskólastarf með áherslu á leik, samvinnu, traust og gleði.

Um er að ræða gefandi og skemmtilegt starf í góðu starfsumhverfi barna og kennara. Áherslur Hulduheima eru á leik barna, félagslega færni, jákvæð og uppbyggjandi samskipti og hvetjandi námsumhverfi. Leiðarljós leikskólans eru Virðing - Lýðræði - Samfélag.

Leikskólakennari starfar samkvæmt stefnumörkun leikskólans sem tekur meðal annars mið af menntastefnu Sveitarfélagsins Árborgar, aðalnámskrá leikskóla, lögum og reglugerðum um leikskóla og öðrum lögum er við eiga.

Í Sveitarfélaginu Árborg búa rúmlega 12.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Að vinna að uppeldi og menntun leikskólabarna.
Að fylgist vel með velferð leikskólabarna og hlúa að þeim andlega og líkamlega í
samræmi við eðli og þarfir hvers og eins svo að þau fái notið sín sem einstaklingar.
Að taka þátt í teymisvinnu, foreldrasamstarfi og sinnir faglegum verkefnum sem
deildarstjóri felur honum.
Að taka þátt í skipulagningu faglegs starfs deildarinnar undir stjórn deildarstjóra.
Að taka þátt í gerð skólanámskrár, mati á starfsemi leikskólans og þróunarverkefnum
undir stjórn leikskólastjóra.
Situr starfsmannafundi og aðra fundi er yfirmaður segir til um og varðar starfsemi
leikskólans.
Að efla og viðhalda fagþekkingu sinni með reglubundinni endur- og símenntun.
Að sinna þeim verkefnum er varða uppeldi og menntun leikskólabarna sem yfirmaður
felur honum.

Menntunar- og hæfniskröfur

Leyfisbréf leikskólakennara.
Reynsla í leikskólastarfi æskileg.
Færni í mannlegum samskiptum.
Reynsla, hæfni og áhugi í starfi með börnum.
Jákvæðni, frumkvæði, skipulagshæfileikar og sjálfstæð vinnubrögð.
Færni til að tjá sig í ræðu og riti.
Góð íslenskukunnátta æskileg

Fríðindi í starfi

Afsláttarkort Árborgar
Styttri vinnuvika

Umsóknarfrestur er til og með 2.janúar 2026

Frekari upplýsingar veitir Kristrún Hafliðadóttir leikskólastjóri, sími: 480-3282. Netfang:
[email protected]
Sjá frekari upplýsingar á heimasíðu leikskólans: hulduheimar.arborg.is

Umsóknum fylgi yfirlit yfir nám og fyrri störf ásamt rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Auglýsing birt17. desember 2025

Umsóknarfrestur2. janúar 2026

Tungumálahæfni