Stjórnsýsla Mosfellsbæjar

Mosfellsbær er rúmlega 13.000 manna, ört vaxandi, framsækið og nútímalegt bæjarfélag í útjaðri höfuðborgarsvæðisins. Mosfellsbær er sjöunda fjölmennasta sveitarfélag landsins.

Vinnustaðurinn

Leiðtogi farsældar barna í Mosfellsbæ

Mosfellsbær auglýsir laust starf leiðtoga til að stýra innleiðingu á lögum um samþættingu þjónustu í þágu farsældar barna. Um er að ræða fjölbreytt og krefjandi verkefni. Leitað er eftir áhugasömum og sjálfstæðum einstaklingi með þekkingu og áhuga á bæði fræðslu- og velferðarmálum. Þá þarf viðkomandi að hafa getu til að leiða þverfaglega teymisvinnu og hafa brennandi áhuga og metnað fyrir málefninu.

Um er að ræða 100% starfshlutfall í góðu starfsumhverfi. Æskilegt að viðkomandi geti hafið störf sem fyrst.

Helstu verkefni og ábyrgð

Verkefnastjóri stýrihóps sem heldur utan um málefni farsældar, Farsældarhrings

Stýra verkefnum Farsældarhringsins í samvinnu við ráðgjafa á fræðslu- og velferðarsviði

Innleiða og þróa verklag við innleiðingu farsældarlaga

Veita nemendaverndarráðum og teymum ráðgjöf við að meta þörf fyrir samþættingu þjónustu og við innleiðingu þjónustunnar

Styðja við samfellu á milli skólastiga með gerð móttöku- og tilfærsluáætlana sé mál í vinnslu Farsældarhringsins.

Taka þátt í og stuðla að þverfaglegu samstarfi innan sveitarfélagsins og við utanaðkomandi aðila sem við á, svo sem BUGL, BOFS, Heilsugæsluna sem og aðra aðila sem vinna að farsæld barna

Ráðgjöf og eftirfylgd við tengiliði og málstjóra við innleiðingu samþættingar

Menntunar- og hæfniskröfur

BA/BS gráða sem nýtist í starfi (t.a.m. kennaramenntun, sálfræði, uppeldis- og menntunarfræði, félagsfræði eða félagsráðgjöf)

Meistaragráða sem nýtist í starfi er mikill kostur

Reynsla af málefnum sem tengjast börnum og farsæld barna

Góð þekking á þeim lögum og reglugerðum sem við eiga og heyra undir velferðar- og fræðslumál

Reynsla af starfi við ráðgjöf og opinbera stjórnsýslu er kostur

Rík þjónustulund og geta til að sýna frumkvæði í starfi

Mikil hæfni í mannlegum samskiptum

Skipulagsfærni og sjálfstæði í vinnubrögðum

Góð færni í að tjá sig í ræðu og riti á íslensku sem og ensku

Nánari upplýsingar um starfið veita Gunnhildur Sæmundsdóttir, sviðsstjóri fræðslu- og frístundasviðs, gunnhildur@mos.is og Sigurbjörg Fjölnisdóttir, sviðsstjóri velferðarsviðs, sigurbjorgf@mos.is.

Umsóknarfrestur er til og með 8. október 2023.

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.

Auglýsing stofnuð22. september 2023

Umsóknarfrestur8. október 2023

Starfstegund

Staðsetning

Þverholt 2, 270 Mosfellsbær

Hæfni