Laus störf Hæfnileit Vinnustaðir Námskeið

Embla Medical | Össur

Össur var stofnað á Íslandi árið 1971 og er alþjóðlegt heilbrigðistæknifyrirtæki sem hannar og framleiðir stoðtæki, spelkur og stuðningsvörur. Markmið okkar er að bæta hreyfanleika fólks og gera því kleift að lifa lífinu án takmarkana. Embla Medical var stofnað árið 2024 til að styðja við áframhaldandi vöxt félagsins í heilbrigðistækni. Vörumerkin Össur, College Park, Fior & Gentz og ForMotion tilheyra öll Emblu Medical. Við erum leiðandi afl á heimsvísu með um 4.500 starfsmenn í yfir 40 löndum. Höfuðstöðvarnar eru á Íslandi en starfsstöðvar víða um heim sinna vaxandi markaði. Félagið er skráð á hlutabréfamarkað í Danmörku. Mannauðurinn er kjarninn í okkar árangri. Sem hátæknifyrirtæki leggjum við ríka áherslu á að laða að okkur hæft og metnaðarfullt starfsfólk sem leggur sig fram og sýnir frumkvæði.

Vinnustaðurinn

Lausnahönnuður á hugbúnaðarsviði

Við leitum að öflugum einstaklingi til að taka þátt í kröfugreiningu, útfærslu og framkvæmd á veigamikilli og metnaðarfullri stafrænni umbreytingu Össurar. Um er að ræða fjölbreytt og spennandi verkefni í framsæknu og krefjandi umhverfi. Viðkomandi þarf að búa yfir góðri reynslu við hugbúnaðargerð og lausnahönnun. Leitað er að kraftmiklum einstaklingi sem á auðvelt með að fá fólk með sér í lið og ná því besta fram í öðrum.

Menntunar- og hæfniskröfur

Háskólapróf eða reynsla sem nýtist í starfi

Reynsla og þekking á hugbúnaðarlausnum og stjórnun þverfaglegra teyma í hugbúnaðarþróun

Greiningarhæfni, öguð og nákvæm vinnubrögð

Framúrskarandi samskiptahæfni, mjög góð enskukunnátta og þjónustulund

Þekking á sjálfsafgreiðsluferlum og breytingastjórnun er æskileg

Þekking á fyrirtækjarekstri er kostur

Helstu verkefni og ábyrgð

Þarfagreining og hönnun á stafrænum lausnum

Leiðtogi þverfaglegs teymis sérfræðinga

Utanumhald og stýring á verktökum og ráðgjöfum

Samvinna við einingar og starfsstöðvar um allan heim