Ráðgjafar- og greiningarstöð

Ráðgjafar- og greiningarstöð er miðlæg þjónustu- og þekkingarmiðstöð sem starfar á þverfaglegum grunni og sinnir börnum að 18 ára aldri hvar sem þau búa á landinu. Hlutverk hennar er m.a. að annast greiningu og ráðgjöf vegna barna með víðtækar þroskaraskerðingar, sinna fræðilegum rannsóknum á þessu sviði og veita börnum með venjuflóknar eða sjaldgæfar fatlanir langtímaeftirfylgd. Öflun og miðlun þekkingar og þroskaskerðingar og fræðsla um helstu íhlutunarleiðir er enn fremur meðal hlutverka stofnunarinnar.

Vinnustaðurinn

Læknir

Ráðgjafar- og greiningarstöð auglýsir laust til umsóknar starf læknis á nýju Greiningasviði. Á sviðinu er veitt þjónusta við ung börn, börn á leik-, grunn- og framhaldsskólaaldri og fjölskyldur þeirra. Leitað er að öflugum lækni sem hefur brennandi áhuga á að starfa að fjölbreyttum verkefnum tengdum fjölskyldum fatlaðra barna með þverfaglegu teymi starfsfólks stofnunarinnar. Barnalæknar auk unglækna sem eru í sérfræðinámi í barnalækningum eða á leið í slíkt nám eru sérstaklega hvattir til að sækja um.

Helstu verkefni og ábyrgð

Greining, ráðgjöf og eftirfylgd til fjölskyldna og fagfólks vegna barna með alvarlegar raskanir í taugaþroska. Hlutverk læknis er m.a. heilsueftirlit, orsakagreining og ráðgjöf til foreldra og þjónustuaðila
Vinna í þverfaglegum teymum. Læknir tekur þátt í athugun á börnum í samstarfi við aðra sérfræðinga
Þátttaka í fræðslu- og rannsóknarstarfi innan og utan stofnunarinnar

Menntunar- og hæfniskröfur

Íslenskt lækningaleyfi
Sérfræðileyfi í barnalækningum er æskilegt en ekki skilyrði
Reynsla af þverfaglegu starfi við mat og ráðgjöf
Reynsla af fræðslu og rannsóknum
Mjög góð samskipta- og samstarfshæfni og færni til að starfa í teymi
Góð færni við að tjá sig í ræðu og riti á íslensku og ensku
Skipulagshæfni, frumkvæði og sjálfstæði í vinnubrögðum

Laun greiðast skv. gildandi kjarasamningi sem fjármála- og efnahagsráðherra og Læknafélag Íslands hafa gert.

Umsókn um starfið skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Sótt er um starfið á starfatorg.is. Miðað er við að viðkomandi geti hafið störf sem fyrst eða eftir nánara samkomulagi.

Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði frá birtingu auglýsingar þessarar.

Á Ráðgjafar- og greiningarstöð starfa um 60 starfsmenn. Hlutverk stofnunarinnar er að tryggja að börn með alvarlegar þroskaskerðingar sem leitt geta til fötlunar síðar á ævinni fái greiningu, ráðgjöf og önnur úrræði sem bæta lífsgæði þeirra. Sjá nánar www.rgr.is.

Ráðgjafar- og greiningarstöð er með fjölskylduvæna starfsmannastefnu sem býður m.a. upp á sveigjanlegan vinnutíma og er lögð áhersla á þróun í starfi og tækifæri til sí- og endurmenntunar. Gildi stofnunarinnar eru fagmennska, framsækni, velferð og virðing.

Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar.

Starfshlutfall er 70-100%.

Umsóknarfrestur er til og með 24. febrúar 2025.

Nánari upplýsingar veita:

Guðrún Þorsteinsdóttir sviðsstjóri í síma 510 8400 eða á netfang: [email protected].

Solveig Sigurðardóttir framkvæmdastjóri lækninga í síma 510 8400 eða á netfang: [email protected]

Auglýsing birt14. febrúar 2025

Umsóknarfrestur24. febrúar 2025

Tungumálahæfni