Laus störf Hæfnileit Vinnustaðir Námskeið

Hagstofa Íslands

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 starfsmanna. Starfsumhverfið er fjölskylduvænt með sveigjanlegum vinnutíma og styttri vinnuviku. Boðið er upp á heilsustyrk fyrir þá sem hreyfa sig og samgöngustyrk fyrir þá sem nýta umhverfisvænan ferðamáta til vinnu. Virkt starfsmannafélag skipuleggur ýmsa viðburði fyrir starfsfólk. Leiðarljós Hagstofunnar eru þjónusta – áreiðanleiki - framsækni. Frekari upplýsingar um stofnunina má finna á vef Hagstofunnar www.hagstofa.is

Vinnustaðurinn

Kerfisstjóri

Viltu bætast í öflugan og skemmtilegan hóp starfsfólks Hagstofu Íslands?

Hagstofa Íslands leitar eftir kerfisstjóra til starfa. Starfið felst í rekstri og áframhaldandi uppbyggingu á tölvuumhverfi stofnunarinnar. Kerfisstjóri mun sinna rekstri netþjóna og fjölbreyttra kerfislausna sem eru nauðsynlegar í daglegum rekstri Hagstofunnar auk þess að koma að rekstri útstöðva og þjónustu við starfsfólk.

Mikilvægt er að viðkomandi hafi áhuga á að vinna í hóp og eigi auðvelt með að starfa með öðrum.

Menntunar- og hæfniskröfur

Þekking og reynsla af rekstri Windows tölvukerfa er skilyrði

Þekking á sýndarumhverfum fyrir tölvurekstur

Þekking á helstu öryggisógnum upplýsingakerfa

Þekking og reynsla af rekstri vélbúnaðar

Vilji og geta til að læra nýja hluti

Þjónustulund og góð samskiptahæfni

Þolinmæði og yfirvegun

Þekking og reynsla af uppsetningu og rekstri Linux

Þekking og reynsla af vöktunarkerfum

Skipulögð og öguð vinnubrögð

Þekking á skriftunarmálum er kostur

Háskólapróf í tölvunarfræði, kerfisfræðimenntun eða önnur sambærileg menntun

Um er að ræða 100% starf og er æskilegt að viðkomandi geti hafið störf sem fyrst. Laun eru samkvæmt kjarasamningi fjármálaráðuneytisins og hlutaðeigandi stéttarfélags.

Umsóknarfrestur er til og með 18. október 2021. Sótt er um á ráðningarvef ríkisins www.starfatorg.is

Með umsókn þarf að fylgja ferilskrá ásamt kynningarbréfi þar sem gerð er grein fyrir hæfni umsækjanda í starfið. Í ráðningarferlinu verður óskað eftir að umsækjendur skili sakavottorði. Hafi umsækjandi verið fundinn sekur um refsiverða háttsemi getur það orðið til þess að viðkomandi teljist ekki hæfur til að gegna starfi hjá stofnuninni.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því að umsóknafrestur rennur út. Tekið er mið af jafnréttisstefnu Hagstofu Íslands við ráðningar í störf.

Nánari upplýsingar um starfið veita Auðunn Ragnarsson, [email protected], og Emma Á. Árnadóttir, [email protected], eða í síma 528-1000.

Hagstofa Íslands er miðstöð opinberrar hagskýrslugerðar á Íslandi. Hlutverk Hagstofunnar er að vinna hlutlægar hagskýrslur, hafa forystu um samhæfingu hagtalna, stunda rannsóknir og stuðla þannig að upplýstri umræðu og faglegum ákvörðunum. Leiðarljós starfseminnar eru þjónusta, áreiðanleiki og framsækni. Hagstofan er staðsett í lifandi umhverfi í Borgartúninu, starfsumhverfið er jákvætt, fjölskylduvænt og sveigjanlegt og við höfum öflugt starfsmannafélag. Nánari upplýsingar má finna á www.hagstofa.is

Auglýsing birt7. október 2021

Umsóknarfrestur18. október 2021

Tungumálahæfni

Engar sérstakar tungumálakröfur

Staðsetning

Borgartún 21A, 105 Reykjavík

Starfstegund

Starfsgreinar

Starfsmerkingar

Sambærileg störf (6)