Talmeinafræðingur í grunnskólum

Spennandi starf talmeinafræðings í skóla- og frístundaþjónustu.

Skóla- og frístundaþjónusta Vesturmiðstöðvar, auglýsir stöðu talmeinafræðings. Talmeinafræðingur sinnir m.a. greiningum á málþroska- og framburðarfrávikum, talþjálfun, ráðgjöf og fræðslu til foreldra og starfsfólks skóla. Leitað er eftir metnaðarfullum og drífandi einstaklingi með einlægan áhuga á þjónustu við börn og fjölskyldur.

Vesturmiðstöð er framsækinn vinnustaður sem býður upp á spennandi tækifæri til að taka þátt í þverfaglegu samstarfi og uppbyggingu á þjónustu við íbúa í borgarhlutanum. Í boði er vinna með metnaðarfullum hópi sérfræðinga skóla- og frístundaþjónustu og velferðarsviðs. Á miðstöðinni starfa meðal annars talmeinafræðingar, sálfræðingar, félagsráðgjafar og kennslu- og hegðunarráðgjafar og ráðgjafaþroskaþjálfi, að málefnum barna, skóla og fjölskyldna í borgarhlutanum.
Unnið er samkvæmt menntastefnu Reykjavíkurborgar Látum draumana rætast og sameiginlegu verkefni skóla- og frístundasviðs og velferðarsviðs Betri borg fyrir börn sem hóf göngu sína um síðustu áramót. Markmið verkefnisins er að efla þjónustu við börn, ungmenni og fjölskyldur þeirra í skóla- og frístundastarfi og þétta samstarf skóla- og frístundasviðs og velferðarsviðs.

Vesturmiðstöð er til húsa að Laugavegi 77.