Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Kennari óskast - Skarðshlíðarleikskóli

Skarðshlíðarleikskóli auglýsir eftir kennara í 50-100% starf.

Fáist ekki starfsmaður með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um.

Skarðshlíðarleikskóli er nýr fjögurra deilda skóli, staðsettur að Hádegisskarði 1. Hugmyndafræðilegur grunnur skólans tekur mið af lærdómssamfélagi (e. Professional Learning Community) þar sem allir læra saman og er áhersla lögð á virka þátttöku við að þróa öflugt skólastarf. Við leggjum áherslu á lýðræði, frumkvæði og lífsgleði í daglegum samskiptum og að auka leikni og færni barnanna í gegnum leikinn. Stefna skólans tekur mið af Fjölgreinakenningu Howards Gardners og Uppeldi til ábyrgðar.

Þar sem þetta er nýr leikskóli færð þú gullið tækifæri til að taka þátt í að móta námskrá leikskólans, búa til hefðir og starfa í nánu samstarfi við grunnskóla, tónmenntaskóla, íþróttahús og bókasafn, því við verðum öll í sömu byggingunni.

Við leggjum áherslu á að skapa góðan starfsanda þar sem allir fá að njóta sín og leggja sitt að mörkum.

Menntunar- og hæfniskröfur

Leyfisbréf til kennslu (leyfisbréf skal fylgja umsókn)

Reynsla af uppeldis- og kennslustörfum með ungum börnum æskileg

Færni í samskiptum og samstarfshæfileikar

Frumkvæði og sjálfstæði í vinnubrögðum og faglegur metnaður

Góð íslensku kunnátta

Helstu verkefni og ábyrgð

Að vinna að uppeldi og menntun leikskólabarna

Að taka þátt í skipulagningu faglegs starfs

Að taka þátt í foreldrasamstarfi í samráði við deildarstjóra

Önnur verkefni skv. starfslýsingu og sem yfirmaður felur starfsmanni

Fríðindi í starfi

Sundkort

Afsláttur af leikskólagjöldum

Tilboð á strætókortum

Heilsuræktarstyrkur

Menningarkort - bókasafnskort

Upplýsingar um starfið veitir Berglind Kristjánsdóttir leikskólastjóri, [email protected] eða í síma 527-7380 / 664-5802.

Launakjör eru samkvæmt kjarasamningi Sambands íslenskra sveitarfélaga og KÍ v/ Félags leikskólakennara.

Umsóknarfrestur er til og með 29. nóvember 2021.

Greinagóð ferilskrá og leyfisbréf skal fylgja umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélag.

Auglýsing birt22. nóvember 2021

Umsóknarfrestur29. nóvember 2021

Tungumálahæfni

Engar sérstakar tungumálakröfur

Staðsetning

Strandgata 6, 220 Hafnarfjörður

Starfstegund

Starfsgreinar

Starfsmerkingar

Fleiri störf (16)