Laus störf Hæfnileit Vinnustaðir Námskeið

Menntaskólinn á Ísafirði

Menntaskólinn á Ísafirði er framsækinn framhaldsskóli. Skólinn býður upp á fjölbreytt nám í bók-, list-, verk- og starfsnámi og á starfsbraut. Í skólanum er kennt í stað-, dreif- og fjarnámi. Tæplega 50 starfsmenn starfa við skólann og nemendur eru tæplega 600. Skólinn hefur það að markmiði að bjóða upp á fjölbreytta kennsluhætti og námsmat með sérstakri áherslu á leiðsagnarnám. Gildi skólans eru virðing, metnaður og vellíðan. Á heimasíðu skólans, www.misa.is er að finna ýmsar upplýsingar um skólann og skólastarfið sem og gæðahandbók skólans en skólinn hefur fengið ISO-9001 gæðavottun. Skólinn hefur sömuleiðis fengið ÍST 85:2012 jafnlaunavottun. Skólinn hefur fengið viðurkenningu fyrir að vera fyrirmyndarstofnun og árið 2024 lenti skólinn í 2. sæti í flokki meðalstórra stofnana í Stofnun ársins.

Vinnustaðurinn

Kennari í vélstjórnargreinum á A- og B-stigi

Komdu að kenna í MÍ í haust! Okkur í Menntaskólanum á Ísafirði vantar kennara í vélstjórnargreinum en í skólanum er vélstjórn kennd á A- og B-stigi.

Helstu verkefni og ábyrgð

Kennari í vélstjórnargreinum:

starfar eftir starfslýsingu sem er ítarlega skilgreind í gæðahandbók á heimasíðu skólans, www.misa.is
vinnur með öðrum kennurum sem og með stuðningi öflugs teymis kennslusviðs verknáms
kennir fagbóklega og verklega áfanga í vélstjórnargreinum á A- og B-stigi
tekur þátt í faglegu starfi og starfsþróun með stöðugar umbætur í skólastarfi að leiðarljósi
vinnur eftir vottuðu gæðakerfi skólans

Menntunar- og hæfniskröfur

Kennari í vélstjórnargreinum skal hafa:

hæfni og rétt til að nota starfsheitið kennari skv. lögum nr. 95/2019
sérhæfingu í kennslugrein skv. lögum nr. 95/2019
reynslu af kennslu eða starfstengdri leiðsögn
víðtæka þekkingu á vélstjórnargreinum
faglegan metnað, frumkvæði, skipulögð vinnubrögð og jákvætt hugarfar
samskiptafærni, þjónustulund og hæfni til að starfa með öðrum sem og að vinna sjálfstætt
reynslu og hæfni í notkun upplýsingatækni, s.s. Office365

Ekki er um starf án staðsetningar að ræða.

Umsóknum skulu fylgja ýtarlegar upplýsingar um nám og starfsferil, afrit af prófskírteinum og leyfisbréfum ásamt stuttu kynningarbréfi með rökstuðningi fyrir hæfni og sýn á starfið.

Í samræmi við jafnréttisáætlun skólans er fólk af öllum kynjum hvatt til að sækja um starfið. Einungis er tekið við umsóknum í gegnum umsóknarvef Starfatorgs. Ákvörðun um ráðningu byggir á innsendum gögnum. Ráðið er í starfið frá 1. ágúst 2026.

Öllum umsækjendum verður svarað og þeim tilkynnt um ráðstöfun starfsins þegar ákvörðun hefur verði tekin. Áskilinn er réttur til að nýta umsóknina í 6 mánuði frá ráðningu.

Starfshlutfall er 100%

Auglýsing birt4. febrúar 2026

Umsóknarfrestur20. febrúar 2026

Tungumálahæfni