Kennari - Hraunvallaleikskóli

Hraunvallaleikskóli óskar eftir að ráða kennara í fullt starf

Hraunvallaleikskóli er fjögra deilda leikskóli staðsettur á Völlunum í Hafnarfirði. Leikskólinn vinnur eftir hugmyndafræði John Dewey og einkennist leikskólastarfið af fjölmenningu þar sem m.a. er virðing borin fyrir einstaklingnum, menningu og uppruna hans og að allir hafa sama tækifæri til náms. Mjög gott samstarf er við Hraunvallaskóla en leikskólinn er í sama húsnæði og grunnskólinn.

Gildi leikskólans eru vinátta, samvinna og ábyrgð sem endurspegla allt starf leikskólans.

Í skólanum er unnið með SMT-skólafærni þar sem æskilegri hegðun er veitt aukin athygli með markvissu hrósi og umbun. Skýr fyrirmæli eru höfð að leiðarljósi og rækt lögð við góð samskipti.

Leitað er eftir áhugasömum og ábyrgum einstaklingum sem hafa metnað fyrir starfinu.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

• Að vinna að uppeldi og menntun leikskólabarna
• Að taka þátt í skipulagningu faglegs starfs
• Að taka þátt í foreldrasamstarfi í samráði við deildarstjóra
• Önnur verkefni samkvæmt starfslýsingu

Menntunar- og hæfniskröfur:

• Starfsleyfi sem kennari (leyfisbréf fylgi umsókn)
• Reynsla af uppeldis- og kennslustörfum með ungum börnum æskileg
• Góð færni í samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
• Góð íslenskukunnátta, C1 tungumálastaðall ETM Sjálfsmatsrammi (coe.int)

Fríðindi í starfi:

• Heilsuræktarstyrkur
• 75% afsláttur af leikskólagjöldum
• Forgangur á leikskóla
• Bókasafnskort
• Sundkort
• Samgöngustyrkur

Fáist ekki starfsmaður með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um, þó þeir hafi ekki kennsluréttindi.

Skilyrði fyrir ráðningu er að viðkomandi hafi hreint sakavottorð.

Upplýsingar um starfið veitir Pálína Hildur Sigurðardóttir, leikskólastjóri, [email protected] og Ásrún Sigrid Steindórsdóttir Olsen, aðstoðarleikskólastjóri, [email protected]

Launakjör eru samkvæmt kjarasamningi Sambands íslenskra sveitarfélaga og KÍ.

Umsóknarfrestur er til og með 6. október 2026

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.