Kennari á unglingastig í Kóraskóla

Við í Kóraskóla leitum að skapandi, faglegum og áhugasömum kennara til að slást í okkar hóp til þátttöku í framsæknu skólastarfi veturinn 2024 – 2025.

Starfið er kennsla í teymi þar sem áhersla er lögð á þematengt verkefnamiðað leiðsagnarnám.

Kóraskóli er nýr skóli við Vallakór í Kópavogi sem tók til starfa haustið 2023. Í skólanum eru um 270 nemendur í 8. – 10. bekk og um 30 starfsmenn. Skólinn var áður unglingastig Hörðuvallaskóla sem hefur nú verið skipt upp í tvo sjálfstæða skóla. Í skólanum er lögð áhersla á skapandi og framsækið skólastarf og eru allir nemendur skólans með spjaldtölvur. Í námi og kennslu er rík áhersla lögð á einstaklingsmiðun náms, fjölbreytta kennsluhætti, leiðsagnarnám, verkefnamiðað nám, samþætt þemanám, teymiskennslu og samkennslu.