Íslenskukennari á unglingastigi, með áherslu á sérkennslu - Öldutúnsskóli.

Öldutúnsskóli auglýsir eftir íslenskukennara á unglingastigi, með áherslu á sérkennslu.

Við Öldutúnsskóla stunda um 590 nemendur nám í 1.–10. bekk. Í skólanum er lögð áhersla á faglegt og uppbyggilegt námsumhverfi þar sem markvisst er unnið að því að efla áhuga nemenda á námi og stuðla að árangri þeirra. Þá er lögð rík áhersla á góðan starfsanda, fjölbreytta kennsluhætti, öfluga teymisvinnu innan árgangateyma og markvissa teymiskennslu.

Einkunnarorð skólans eru virðing, virkni og vellíðan og endurspeglast þau í öllu starfi skólans. Starfið byggir meðal annars á hugmyndafræði SMT um jákvæða skólafærni og Olweusaráætlun gegn einelti og andfélagslegri hegðun. Jafnframt er lögð áhersla á umhverfismál í daglegu starfi skólans.

Helstu verkefni og ábyrgð:

• Annast sérkennslu í íslensku á unglingastigi
• Taka þátt í uppbyggingu og mótun á skólastarfi
• Stuðla að velferð nemenda í samstarfi við foreldra og annað fagfólk
• Vinna að þróun skólastarfs í samráði við stjórnendur og samstarfsfólk
• Vinnur samkvæmt stefnu skólans
• Önnur verkefni samkvæmt starfslýsingu

Menntunar- og hæfniskröfur:

• Leyfisbréf til kennslu (leyfisbréf skal fylgja umsókn)
• Nám í sérkennslu er kostur
• Reynsla af íslenskukennslu er æskileg
• Lipurð í samskiptum, sveigjanleiki og samstarfshæfni.
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góð íslenskukunnátta

Skilyrði við ráðningu er að viðkomandi hafi hreint sakavottorð.

Ef þetta er eitthvað sem vekur áhuga þinn hafðu samband við okkur.

Nánari upplýsingar veita Margrét Sverrisdóttir, skólastjóri, í síma: 664-5894, og Áslaug Hreiðarsdóttir, aðstoðarskólastjóri, í síma 664-5895.

Umsóknarfrestur er til og með 23. apríl 2026

Greinargóð ferilskrá fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.