Hjúkrunarfræðingur í teymið okkar
Heilsuvernd Vífilsstöðum er skipuð metnaðarfullu starfsfólki sem leggur áherslu á faglega og framúrskarandi þjónustu. Á Vífilsstöðum er veitt þjónusta til aldraðra sem bíða eftir varanlegri búsetu á hjúkrunarheimili ásamt lífslokameðferð.
Við leitum nú að hjúkrunarfræðingi til starfa. Um 80-100% starfshlutfall er að ræða, morgunvaktir á virkum dögum og 3ju hvoru helgi eða eftir nánara samkomulagi. Við leitum að einstaklingi sem hefur jákvæðni og góð samskipti að leiðarljósi og er tilbúinn til að taka þátt í að byggja upp sterkt teymi á góðum vinnustað.
Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi þjónustu.
Vinnustaðurinn Vífilsstaðir býður upp á sveigjanleika í starfi og er fjölskylduvænn vinnustaður. Vífilsstaðir er fjölmenningar-vinnustaður sem byggir á jákvæðum starfsanda og víðsýni tengt ólíkum menningarheimum fjölbreytilega samsetts starfshóps. Starfshópurinn er samheldinn og samstíga.
- Almenn hjúkrunarstörf
- Skipulag og ábyrgð á að hjúkrun sé veitt í samræmi við sett markmið og gæðastefnu Heilsuverndar
- Þátttaka í þróunarverkefnum
- Eftirlit og mat á gæðum hjúkrunar
- Próf og starfsréttindi sem hjúkrunarfræðingur
- Áhugi á öldrunarþjónustu og vinnu með öldruðum
- Starfsreynsla í öldrunarþjónustu er kostur
- Frumkvæði, jákvæðni og samstarfsvilji
- Góð almenn tölvukunnátta
- Góð samskiptahæfni
- Þolinmæði og sveigjanleiki
- Umsækjandi þarf að geta talað og skrifað íslensku
Íslenska
Enska
