Grund - Aðstoðarmaður iðjuþjálfa

Grund hjúkrunarheimili leitar að duglegum og hressum einstaklingi í starf aðstoðarmanns í iðjuþjálfun og félagsstarfi í sumar.

Starfið er fjölbreytt og skemmtilegt og mikil áhersla er lögð á góða teymisvinnu. Um er að ræða dagvinnu og starfshlutfall er samkomulagsatriði.

Starfið er tilvalið fyrir nema í iðjuþjálfun, tómstundafræði og félagsvísindum.

Hæfniskröfur:

• Góð íslenskukunnátta
• Faglegur metnaður og frumkvæði í starfi
• Góðir samskiptahæfileikar og jákvæðni

Fríðindi í starfi:

• Aðgangur að heilsustyrk
• Stytting vinnuvikunnar
• Öflugt starfsmannafélag

Greitt er eftir kjarasamningi viðeigandi stéttafélags og Samtaka fyrirtækja í velferðarþjónustu.

Á Grundarheimilunum vinnur stór og samheldinn hópur starfsmanna að því að hlúa að öldruðum af alúð. Vellíðan, virðing og vinátta eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi. Á Grundarheimilunum er starfað eftir Eden hugmyndafræðinni.

Nánari upplýsingar um starfið veitir:

Fanney Björg Karlsdóttir yfiriðjuþjálfi, [email protected] og Mannauðsdeild Grundarheimilanna, [email protected]

Við hlökkum til að heyra frá þér!