Gagnasérfræðingur – Data & Analytics

Eru gögn og gagnagreining eitthvað fyrir þig?

Hefur þú brennandi áhuga á gögnum og nýtingu þeirra til að aðstoða fyrirtæki við að ná betri árangri?

Vilt þú vinna með stærstu fyrirtækjum landsins við að nýta sér hraðar tækniframfarir á sviði gagnavinnslu, gagnagreiningar og gervigreindar?

Origo hefur ofurtrú á auknu mikilvægi gagnadrifinna lausna og við viljum vaxa hratt á sviði gagnalausna, viðskiptagreindar og gagnagreiningar á næstu misserum. Við leitum því að metnaðarfullum einstaklingum til að taka þátt í þessari uppbyggingu með okkur.

Við erum að byggja upp öflugt teymi og leitum að einstaklingum með ólíkan bakgrunn innan gagnasviðsins, allt frá gagnaverkfræði og gagnalíkönum yfir í gagnagreiningu, skýrslugerð og innsýn.

Við leggjum mikla áherslu á þekkingaröflun starfsfólks og því er þetta frábært tækifæri fyrir þau sem vilja starfa í umhverfi þar sem ávinningur viðskiptavina og starfsþróun fara saman.

Helstu verkefni og ábyrgð

• Þátttaka í þróun gagnalausna og greiningarlausna sem auka verðmæti vöruframboðs Origo

• Þróun og uppbygging nútímalegra gagnapalla og gagnalausna

• Vinna með gagnavinnslu, gagnalíkönum, gagnagreiningu og miðlun gagna til notenda

• Þróun mælaborða, skýrslugerðar og innsýnar fyrir viðskiptavini

• Þátttaka í útfærslum á sviði gervigreindar og nýtingu gagna

• Samskipti við vörustjóra, viðskiptavini og aðra hagsmunaaðila innan Origo

Menntunar- og hæfniskröfur

• Tölvunarfræði, stærðfræði, verkfræði, gagnavísindi eða sambærilegt nám sem nýtist í starfi

• Reynsla af vinnu með gögnum, gagnalausnum eða gagnagreiningu

• Reynsla eða þekking á tækni eins og:
  • Microsoft Fabric
  • Power BI
  • SQL og gagnalíkön
  • Python

• Þekking á Microsoft tæknistakknum er kostur, t.d.:
  • Azure
  • Power Platform
  • Copilot eða tengdum lausnum

• Sjálfstæði, frumkvæði og forvitni gagnvart gögnum og nýrri tækni eru mikilvægir eiginleikar.

Fríðindi

• Framúrskarandi vinnuaðstaða

• Sveigjanlegur vinnutími

• Styrkir s.s. íþróttastyrkur, samgöngustyrkur o.fl.

• Öflug velferðar- og heilsustefna

• Frábært mötuneyti

Origo er þjónustu- og þekkingarfyrirtæk sem vinnur með fyrirtækjum að því að ná forskoti í breyttum heimi þar sem tæknin skiptir öllu máli. Með snjöllum og öruggum lausnum hjálpum við fyrirtækjum og stofnunum að öðlast forskot í stafrænum heimi sem er á fleygiferð. Hjá okkur starfa um 200 manns sem vinna saman að því að skapa betri tækni sem bætir líf fólks. Við leggjum áherslu á liðsheild, fagmennsku og stöðuga þróun.

Allar umsóknir og fyrirspurnir verða meðhöndlaðar sem trúnaðarmál og þeim svarað.