Laus störf Hæfnileit Vinnustaðir Námskeið

Stjórnsýslusvið

Múlaþing er sveitarfélag á Austurlandi með um 5.300 íbúum. Undir Múlaþing heyra Fljótsdalshérað, Djúpivogur, Borgarfjörður eystri og Seyðisfjarðarkaupstaður. Stjórnsýslusvið sér um atvinnu-og menningarmál og stjórnsýslu sveitarfélagsins.

Vinnustaðurinn

Fulltrúi sveitarstjóra á Djúpavogi

Auglýst er eftir starfsmanni í stöðu fulltrúa sveitarstjóra á Djúpavogi.

Um er að ræða fjölbreytt og áhugavert starf í lifandi umhverfi. Starfsmaður er staðgengill sveitastjóra á Djúpavogi og hefur umsjón með daglegum rekstri sveitarfélagsins á staðnum í samráði við sveitarstjóra og yfirmenn viðkomandi sviða. Starfið er 100% framtíðarstarf.

Umsækjandi þarf að vera búsettur innan marka fyrrum Djúpavogshrepps og geta hafið störf um mánaðarmót ágúst/september 2022.

Menntunar- og hæfniskröfur

Háskólamenntun sem nýtist í starfi og mikil starfs- og stjórnunarreynsla.

Gerð er krafa um frumkvæði og sjálfstæði í starfi.

Gerð er krafa um mikla þekkingu á sveitarstjórnarmálum.

Gerð er krafa um góða þekkingu á staðarháttum innan fyrrum Djúpavogshrepps.

Góð tölvukunnátta skilyrði.

Góð íslensku-og enskukunnátta og gott vald á að skrifa texta.

Góð þjónustulund og hæfni í mannlegum samskiptum.

Þekking á rekstri verkefna og gerð rekstraráætlana mikilvæg.

Skipstjórnarréttindi kostur.

Helstu verkefni og ábyrgð

Er staðgengill sveitarstjóra og sinnir daglegum rekstri sveitarfélagsins á Djúpavogi.

Situr og undirbýr fundi með heimastjórn Djúpavogs, sér um ritun fundargerða og passar að afgreiðslur heimastjórnar komist í réttan farveg.

Er staðgengill hafnarstjóra og vinnur m.a. við stefnumótun hafna Múlaþings auk áætlunargerðar með hafnavörðum.

Hefur yfirumsjón með vinnu er snúa m.a. að gæðamálum, hafnarvernd, verndaráætlun, öryggismálum, viðbragðsáætlunum, umhverfismálum o.fl.

Ábyrgð á þjónustu hafnarmála fyrir umhverfis- og framkvæmdaráð og eftirfylgni ákvarðana þess.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Öllum umsóknum skal fylgja starfsferilsskrá og rökstuðningur fyrir hæfni viðkomandi í starfið.

Vinnustaðir Múlaþings eru tóbakslausir og fjölskylduvænir.

Einstaklingar af öllum kynjum eru hvött til að sækja um.

Nánari upplýsingar um starfið veitir Björn Ingimarsson sveitarstjóri, í síma 4 700 700 og á netfanginu [email protected].

Umsóknarfrestur er til og með mánudagsins 1. ágúst 2022.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt12. júlí 2022

Umsóknarfrestur1. ágúst 2022

Tungumálahæfni