Fréttamaður

Fréttastofan leitar að öflugum fréttamanni í fullt starf á vöktum í starfsstöð RÚV í Reykjavík. Í starfinu felst að afla frétta og miðla þeim í sjónvarpi, á vef og í útvarpi. Við leitum að metnaðarfullum og sjálfstæðum einstaklingi sem hefur góða framsögn, er vel ritfær, með fréttanef og reynslu af fréttaskrifum.

Fréttastofa RÚV flytur fréttir í útvarpi, sjónvarpi, á vefnum og á samfélagsmiðlum allan sólarhringinn alla daga ársins og færir landsmönnum nýjustu tíðindi og fréttaskýringar af innlendum og erlendum vettvangi.

Hér er kraftmikið, skapandi og metnaðarfullt umhverfi þar sem fjölbreyttur hópur fréttafólks með mikla reynslu og þekkingu starfar.