Skólastræti Tækniskólans
Skólastræti Tækniskólans ehf. var stofnað í ágúst 2024. Tilgangur félagsins er bygging, rekstur og eignarhald fasteigna utan um starfsemi Tækniskólans, skóla atvinnulífsins og tengdur rekstur í samræmi við samkomulag milli ríkisins, Hafnarfjarðarbæjar og Tækniskólans.
Framsýnn framkvæmdastjóri
Skólastræti ehf. leitar að reynslumiklum og framsýnum framkvæmdastjóra til þess að leiða hönnun- og byggingu nýs Tækniskóla við Flensborgarhöfn. Skólastræti er félag í eigu Tækniskólans, skóla atvinnulífsins. Markmið félagsins er að byggja nútímalegan skóla, með þarfir atvinnulífs, nemenda og starfsfólks að leiðarljósi, þar sem vagga starfs- og tæknináms mun eiga lögheimili.
Framkvæmdastjóra er falið það ábyrgðarhlutverk að stýra þessu metnaðarfulla verkefni og sigla því í heimahöfn í Hafnarfirði.
Framkvæmdastjóri heyrir undir stjórn Skólastrætis Tækniskólans.
Helstu verkefni og ábyrgð
- Dagleg stjórnun og rekstur félagsins.
- Yfirumsjón með öllum þáttum hönnunar- og byggingarferlisins.
- Samningagerð við hagsmunaaðila.
- Samráð við sveitarfélög, hönnuði, verktaka, ráðgjafa og aðra fagaðila.
- Upplýsingamiðlun m.t.t. sjónarmiða starfsfólks og nemenda Tækniskólans í hönnunarferli nýs skóla.
Menntunar- og hæfniskröfur
- Reynsla og þekking á umfangsmiklum skipulags- og þróunarverkefnum.
- Reynsla af umfangsmiklum framkvæmdaverkum og samningagerð.
- Reynsla af stjórnun, rekstri og áætlanagerð.
- Leiðtogahæfileikar og framúrskarandi samskiptahæfni.
- Frumkvæði og metnaður til að ná árangri.
- Háskólamenntun sem nýtist í starfi.
Auglýsing birt2. október 2024
Umsóknarfrestur14. október 2024
Staðsetning
Flensborgarhöfn
Starfstegund
Starfsgreinar
Starfsmerkingar