Framleiðslustjóri

Í einum grænum er dótturfyrirtæki Sölufélags garðyrkjumanna og var stofnað 2004 með það að leiðarljósi að fullnýta uppskeru grænmetisbænda. Markmiðin eru að koma nýjum vörum á framfæri og bjóða neytendum upp á fullunna vöru unna úr íslensku grænmeti. Með þessu er komið í veg fyrir matarsóum sem fyrirtækinu er einnig hugleikin.

Vörumerkið Ostahúsið hefur verið í eigu ÍEG frá 2006 og fer öll framleiðsla fram í höfuðstöðvum okkar, Brúarvogi 2. Ostahúsið er rótgróið vörumerki upphaflega stofnað í Hafnarfirði árið 1992.

Í einum grænum leitar að öflugum og skipulögðum framleiðslustjóra til að bera ábyrgð á daglegum rekstri og þróun framleiðslu fyrirtækisins. Við framleiðum meðal annars smurosta, rjómaosta og forsoðnar kartöflur auk annarra matvæla. Við leitum að einstaklingi með góða þekkingu á matvælaframleiðslu, innkaupum, birgðum og kostnaðareftirliti. Viðkomandi vinnur náið með starfsfólki og stjórnendum að því að tryggja skilvirkan rekstur, stöðug vörugæði og áreiðanlegar afhendingar.

Við leitum að einstaklingi með reynslu af mjólkur- og ostaframleiðslu og menntun á sviði matvælaframleiðslu, svo sem sem mjólkurfræðingi eða sambærilega menntun og reynslu.
Starfið hentar einstaklingi sem vill nýta fagþekkingu sína í fjölbreyttu starfi þar sem bæði fagleg þekking og góður rekstrarárangur skipta máli.

Helstu verkefni og ábyrgð

Ábyrgð á framleiðslu og pökkun á matvælum
Ábyrgð á rekstri og innkaupum
Ábyrgð á verkstjórn og utanumhald um verkefni og starfsfólk í framleiðslu
Ábyrgð á lagerhaldi hráefna, umbúða og uppskriftum
Birgðastýring og áætlanagerð til að tryggja nægilegt framboð og lágmarka óþarfa birgðasöfnun
Kostnaðareftirlit, eftirfylgni með framleiðslukostnaði og vinna að hagkvæmri nýtingu hráefna
Ábyrgð á gæðum afurða, hreinlæti og matvælaöryggi
Vöruþróun, þátttaka í þróun og umbótum á vörum og framleiðsluferlum
Eftirlit með tækjum, búnaði og viðhaldi
Skráning og eftirfylgni með framleiðslu, birgðum, rýrnun og öðrum lykiltölum.