Laus störf Hæfnileit Vinnustaðir Námskeið

Húsnæðis- og mannvirkjastofnun (HMS)

Um vinnustaðinn Húsnæðis-og mannvirkjastofnun hefur umsjón með stjórnsýsluverkefnum á sviði húsnæðismála, fasteigna, mannvirkjamála, rafmagnsöryggismála og mála er varða byggingarvörur og brunavarnir. Stofnuninni er ætlað að stuðla að því að jafnvægi ríki á húsnæðismarkaði, m.a. með húsnæðisstuðningi, lánveitingum, rannsóknum, upplýsingagjöf, áætlanagerð og eftirliti. Einnig skal stofnunin leitast við að tryggja að almenningur hafi aðgang að öruggu og vistvænu húsnæði á viðráðanlegu verði og í samræmi við þarfir hvers og eins, óháð efnahag og búsetu, þannig að almenningur hafi raunverulegt val um búsetuform. Stofnunin gegnir jafnframt samræmingarhlutverki, sinnir samstarfi við sveitarfélög um stjórnsýslu húsnæðis-og mannvirkjamála og stuðlar að fyrirsjáanleika, skilvirkni og gæðum mannvirkjagerðar. Húsnæðis-og mannvirkjastofnun annast umsýslu Húsnæðissjóðs. Starfsstöðvar stofnunarinnar eru í Reykjavík, Akureyri og á Sauðárkróki og eru starfsmenn 160 talsins.

Vinnustaðurinn

Framkvæmdastjóri fjármálasviðs

Húsnæðis- mannvirkja- og skipulagsstofnun (HMS) leitar að faglegum og reynslumiklum stjórnanda í starf framkvæmdastjóra fjármála. Um er að ræða krefjandi og fjölbreytt starf hjá árangursdrifinni stofnun þar sem reynir á greiningarhæfni, yfirsýn og frumkvæði. Fjöldi starfsfólks er tæplega 200 og er stofnunin með þrjár starfsstöðvar um landið. Auk þess ber HMS ábyrgð á rekstri lánasjóðs húsnæðismála svo að fjárhagsleg umsvif eru mikil. Jafnframt ber framkvæmdastjóri fjármála ábyrgð á teymi árangursstjórnunar og teymi gæða- og skjalamála.

Framkvæmdastjóri fjármála mun gegna lykilhlutverki í utanumhaldi með rekstri og þróun á sviði fjármála með það að markmiði að tryggja að HMS sinni lögbundnum verkefnum sem best á hverjum tíma og fari vel með opinbert fé. Framkvæmdastjóri fjármála mun sitja í framkvæmdastjórn og taka þannig þátt í stefnumótun og áætlanagerð.

Helstu verkefni og ábyrgð

Leiða skilvirka stýringu fjármála og öruggt innra verklag
Ábyrgð á gerð fjárhagsáætlana, rekstraráætlana, kostnaðareftirlits og launaáætlana
Gerð kostnaðargreininga, tölfræðivinnslu og fjárhagslegra greininga fyrir stjórnendur, stjórn og ráðuneyti
Reglubundin upplýsingagjöf fyrir stjórn og framkvæmdastjórn
Umsjón með bókhaldi og gerð ársreikninga
Eftirlit með rekstri og fjárhagslegum markmiðum HMS
Greiningar og miðlun upplýsinga til stjórnenda
Yfirumsjón með teymi árangursstjórnunar og teymi skjala- og gæðamála
Þróun og umbætur á verkferlum, verklýsingum og ferlum innan sviðsins

Menntunar- og hæfniskröfur

Háskólamenntun sem nýtist í starfi, framhaldsmenntun æskileg
Árangursrík reynsla af fjármálastjórnun, áætlanagerð og uppgjörsvinnu
Þekking á opinberri stjórnsýslu og opinberum fjármálum er kostur
Góð greiningarhæfni og reynsla af framsetningu upplýsinga
Leiðtogahæfni, framúrskarandi samskiptafærni og hæfni til að ná árangri í samvinnu við stjórnvöld, hagaðila og þvert á skipulagseiningar stofnunarinnar
Umbótamiðað hugarfar, skipulagshæfni, frumkvæði, sjálfstæði og metnaður
Góð tölvukunnátta og þekking á fjárhags- og greiningartólum. Þekking á Orra, fjárhagskerfi ríkisins er kostur
Mjög gott vald á íslensku og ensku í ræðu og riti

HMS vinnur að því að móta örugg, sjálfbær og vel skipulögð samfélög í samræmi við lögbundið hlutverk sitt. Hjá stofnuninni starfar fjölbreyttur hópur sérfræðinga sem vinnur að húsnæðismálum, mannvirkjagerð, skipulagi, brunavörnum, markaðseftirliti og rafmagnsöryggi, auk þess að þróa mikilvægar upplýsingar og greiningar um fasteignir og húsnæðismarkaðinn.

Um er að ræða fullt starf og æskilegt er að umsækjandi geti hafið störf sem fyrst.

Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi fyrir starfið.

Umsóknir geta gilt í sex mánuði frá því að umsóknarfrestur rennur út.

Laun eru samkvæmt gildandi kjarasamningum.

Lögð er rík áhersla á fjölbreytni og við hvetjum alla áhugasama einstaklinga til að sækja um, óháð kyni og uppruna

Upplýsingar veita

Geirlaug Jóhannsdóttir – [email protected]
Sverrir Briem – [email protected]

Auglýsing birt11. júní 2026

Umsóknarfrestur22. júní 2026

Tungumálahæfni