Iðan fræðslusetur

Iðan er fræðslusetur í iðnaði og sinnir símenntun starfsmanna í bílgreinum, bygginga- og mannvirkjagreinum, málm- og véltæknigreinum, prent- og miðlunargreinum og matvæla- og veitingagreinum. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum.

Vinnustaðurinn

Framkvæmdastjóri

Við leitum að öflugum framkvæmdastjóra í stjórnunar- og leiðtogastarf hjá Iðunni fræðslusetri. Leitað er að framsýnum einstaklingi sem hefur faglegan metnað, frumkvæði, forystuhæfileika, þekkingu á nýsköpun og framúrskarandi samskiptahæfni til að leiða 30 manna hóp starfsmanna. Framkvæmdastjóri sinnir daglegum rekstri Iðunnar og vinnur að framkvæmd stefnu félagsins.

Helstu verkefni og ábyrgð

Ábyrgð á daglegum rekstri félagsins
Leiða sjálfbærnivegferð félagsins
Ýta undir nýsköpun og leita að vaxtartækifærum
Byggja upp sterkt tengslanet í iðngreinum
Styðja við stjórnendur og annað starfsfólk og virkja þekkingu þeirra og innsæi
Byggja upp teymisumhverfi
Virk samskipti við ytri hagaðila eins og aðildarfélög, starfsfólk í iðngreinum, stjórnvöld í menntamálum, erlenda samstarfsaðilaog fjölmiðla

Menntunar- og hæfniskröfur

Iðn- og/eða háskólamenntun og reynsla sem nýtist í starfinu
Leiðtogahæfni og geta til að skapa sterka liðsheild
Brennandi áhugi á þróun þekkingar og færni í iðnaði
Reynsla af rekstri og mannauðsstjórnun
Geta til að miðla framgangi á gagnadrifinn hátt
Framtíðarsýn og stefnumótandi hugsun
Hæfni til að hafa jákvæð áhrif á forvitnis- og þróunarmenningu
Skilningur og hæfni til að starfa samkvæmt lagalegum og siðferðilegum kröfum í anda sjálfbærni og gilda félagsins sem eru framsækni, virðing og fagmennska