Hugvísindasvið

Hugvísindasvið Háskóla Íslands býður upp á afar fjölbreytt nám um mannlegt samfélag, tungumál, málvísindi, trúarbrögð, listir, bókmenntir, fornleifafræði, sögu, heimspeki og fleira.

Vinnustaðurinn

Deildarstjóri við námsbrautina íslenska sem annað mál

Á skrifstofu Hugvísindasviðs Háskóla Íslands er laust til umsóknar fullt starf deildarstjóra við námsbrautina íslenska sem annað mál. Deildarstjórar eru tengiliðir milli námsbrauta og stjórnsýslu fræðasviðs og sinna margvíslegri þjónustu við nemendur og kennara, ásamt tilfallandi verkefnum. Námsbrautin íslenska sem annað mál á í nánu samstarfi við önnur fræðasvið og miðlægar stjórnsýslueiningar og mun deildarstjóri eiga í samstarfi við þessa aðila í samvinnu við stjórnsýslu Hugvísindasviðs og kennara námsbrautarinnar. Íslenska sem annað mál er námsbraut við Íslensku- og menningardeild Háskóla Íslands og er sú fjölmennasta við háskólann.

Helstu verkefni og ábyrgð

Umsjón með námsferlum og brautskráningu nemenda
Upplýsa og leiðbeina nemendum um reglur og uppbyggingu náms
Samvinna við nemendaskrá og aðrar stjórnsýslueiningar innan HÍ um umsóknir, nám og ráðgjöf við umsækjendur
Skipulagning inntökuprófa
Upplýsingagjöf og ráðgjöf til umsækjenda, nemenda og kennara námsbrautar
Vinna við kennsluskrá
Móttaka nemenda
Stoðþjónusta við kennara og nemendur námsbrautar

Menntunar- og hæfniskröfur

Háskólapróf sem nýtist í starfi, framhaldsnám er kostur
Reynsla af fjölmenningarstarfi er kostur
Reynsla úr starfsumhverfi háskóla er kostur
Góð færni í íslensku og ensku, bæði í rituðu og töluðu máli. Færni í fleiri tungumálum er kostur.
Góð færni í upplýsingatækni þ.m.t. á Microsoft 365 umhverfinu
Góð þjónustulund og samskiptahæfni
Sjálfstæði í vinnubrögðum og lausnarmiðuð nálgun á verkefnum

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Bréf þar sem áhuga á starfinu er lýst og fjallað um hvað umsækjandi telur sig geta lagt af mörkum til þess
Staðfest afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar samfélaginu, stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum.

Nánari upplýsingar veitir:

Anna Jóna Ingu Ólafardóttir, rekstrarstjóri kennslu og stjórnsýslu á Hugvísindasviði - [email protected]

Auglýsing birt12. ágúst 2025

Umsóknarfrestur22. ágúst 2025

Tungumálahæfni