Deildarstj. Þróun þekkingar-framleiðsla

Vilt þú vinna við að skapa eitthvað nýtt?

Deildarstjóri Þróun þekkingar og framleiðsla

Við leitum að kraftmiklum stjórnanda sem mun, ásamt öflugum hópi starfsfólks, móta og leiða vinnu við að stórauka þátt þróunar, nýsköpunar og framleiðslu hjá IÐUNNI. Starfið er nýtt og heyrir undir framkvæmdastjóra.

Hlutverk okkar er að bæta hæfni fyrirtækja og starfsfólks í iðnaði og við trúum því að frjótt nýsköpunar- og tækniumhverfi IÐUNNAR sé einn af lyklum þess.

Áhersla okkar er á skýr hlutverk allra í liðinu, og mikla og dýnamíska samvinnu þar sem styrkleikar og áhugasvið hvers og eins fær notið sín best. Flest af því sem við gerum byggir á samstarfi þvert á skipulag.

Um þig:

• Þú hefur brennandi áhuga á þróun, nýsköpun og framleiðslu.
• Ert sókndjörf og drífandi manneskja.
• Þú hefur menntun og stjórnunarreynslu sem nýtist í starfinu.
• Átt auðvelt með að fá fólk til liðs við þig og draga fram það besta.
• Hefur reynslu af þróun og framleiðslu.
• Hefur stafræna styrkleika.
• Ert framsækinn, skapandi og metnaðarfullur einstaklingur.
• Þú veist hvað þú vilt.
• Þú hefur hugsanlega þekkingu í kennslufræði og/eða stafrænum fræðslulausnum.