Cost Controller

Verne Global óskar eftir að ráða reynslumikinn einstakling í starf „Cost Controller“ til að styðja við fjárhagslega og viðskiptalega stjórnun gagnaversframkvæmdar sem unnin er samkvæmt „FIDIC Yellow Book“ hönnunar- og verktakasamningi.

Viðkomandi mun sjá um kostnaðareftirlit á framkvæmdastað og halda utan um fjárhagsáætlanir, kostnaðarspár, sjóðstreymi, breytingar, kröfur og fjárhagslega áhættu á öllum stigum verkefnisins.

Um er að ræða lykilhlutverk þar sem viðkomandi hefur yfirsýn yfir fjárhagsstöðu, kostnaðaröryggi og öflugri fjármálastýringu í hröðu umhverfi.

Helstu verkefni og ábyrgð:

• Eftirfylgni með fjárhagsáætlunum, kostnaði, skuldbindingum verkefnisins og fjárhagsspám.
• Utanumhald með kostnaðarbreytingum, kröfum og fjárhagslegri áhættu.
• Yfirfara greiðslubeiðnir, reikninga og innkaupabeiðnir.
• Útbúa kostnaðarskýrslur, sjóðstreymisspár og uppfæra áætlanir vegna heildarkostnaðar verkefnisins (EAC).
• Veita stuðning vegna samningsumsýslu, fjármálastjórn og áhættustýringu.
• Samskipti og samstarf við verkefna-, verkfræði-, framkvæmda-, innkaupa- og fjármálateymi.

Menntunar- og hæfniskröfur:

• Góð þekking og reynsla af kostnaðareftirliti í umfangsmiklum verkefnum á sviði mannvirkjagerðar, gagnavera, iðnaðar, orku eða innviða.
• Reynsla af kostnaðarspám, skýrslu- og áætlanagerð og annarri umsýslu.
• Þekking á FIDIC-samningum og reynsla af alverktöku þar sem verktaki ber ábyrgð á bæði hönnun og framkvæmd.
• Mjög góð kunnátta á Excel og reynsla af verkefna- og kostnaðarstýringu. Reynsla af ERP-kerfum og ACC er kostur.
• Góð greiningarhæfni og reynsla af samskiptum við hagaðila.
• Góð samskipta- og samstarfshæfni.
• Frumkvæði, sjálfstæði og skipulögð vinnubrögð.