Gæðaeftirlitsstjóri (QA/QC Manager)

Verne Global óskar eftir að ráða reynslumikinn gæðaeftirlitsstjóra til að leiða gæðaeftirlit í umfangsmikilli uppbyggingu gagnavers sem unnið er samkvæmt „FIDIC Yellow Book“ hönnunar- og verktakasamningi.

Viðkomandi verður leiðandi fulltrúi fyrirtækisins í gæðamálum á verkstað og ber ábyrgð á að hönnun, innkaup, framkvæmdir, prófanir, gangsetning og afhending uppfylli samningsbundnar kröfur, tæknilegar þarfir, viðeigandi staðla og væntingar viðskiptavina.

Um er að ræða lykilhlutverk í að tryggja vandaða og örugga aðstöðu ásamt því að styðja við markmið verkefnisins hvað varðar framvindu og rekstrarárangur.

Helstu verkefni og ábyrgð:

• Yfirumsjón með gæðaeftirlitsferlum og að gæðakröfum sé fylgt.
• Yfirfara gæðaáætlanir, skoðunar- og prófunaráætlanir (ITP), verklýsingar og tæknileg skilagögn.
• Eftirlit með gæðum framkvæmda, skoðunum, prófunum, gangsetningu og undirbúningi afhendingar.
• Utanumhald með frávikaskýrslum, göllum, úttektarlistum, úrbótum og skýrslugjöf.
• Tryggja að gæðaskjöl, prófunargögn og afhendingargögn séu fullgerð, rekjanleg og hæf til úttektar.
• Styðja við úttektir viðskiptavina og umsýslu með samþykktarferli verkefnisins.
  
  

Menntunar- og hæfniskröfur:

• Góð reynsla af stjórnun gæðaeftirlits í verkefnum tengdum gagnaverum, mannvirkjum, iðnaði, orkuvirkjum eða flóknum framkvæmdaverkefnum.
• Góð þekking á hönnunar- og framkvæmdaverkefnum og FIDIC samningum.
• Reynsla af gangsetningu, prófunum, afhendingu og gæðastjórnunarkerfum.
• Framúrskarandi samskiptahæfni, færni í samskiptum við hagaðila og lausnamiðað hugarfar.
• Geta til að ná árangri í hröðu og krefjandi umhverfi.
• Frumkvæði, sjálfstæði og skipulögð vinnubrögð.