Laus störf Hæfnileit Vinnustaðir Námskeið

Grundarfjarðarbær

Grundarfjarðarbær er þéttbýlisstaður á Snæfellsnesi þar sem náttúrufegurð í heimsklassa er hluti af daglegu lífi. Sveitarfélagið er í spennandi uppbyggingarskeiði með fjölda verkefna framundan, bæði í innviðauppbyggingu og samfélagslegri þróun. Í bænum er leikskóli, grunnskóli og framhaldsskóli sem gerir Grundarfjörð að kjörnum stað fyrir fjölskyldur á öllum stigum. Þar er hlýtt og lifandi samfélag þar sem íbúar þekkjast og líður vel saman.

Vinnustaðurinn

Byggingarfulltrúi á Snæfellsnesi

Sameiginlegt umhverfis- og skipulagssvið Stykkishólmsbæjar og Helgafellssveitar, Grundarfjarðarbæjar og Eyja- og Miklaholtshrepps leitar að kraftmiklum byggingarfulltrúa til að halda utan um byggingarmál og verklegar framkvæmdir í sveitarfélögunum þremur. Á sviðinu er lögð áhersla á vandað faglegt starf og þróun, öflugt samstarf og góða þjónustu.

Byggingarfulltrúi starfar náið með skipulagsfulltrúa, sem jafnframt er sviðsstjóri umhverfis- og skipulagssviðs og næsti yfirmaður byggingarfulltrúa.

Starfsaðstaða er í Ráðhúsunum í Stykkishólmi og Grundarfirði en auk þess kallar starfið á ferðir og fundi í Eyja- og Miklaholtshreppi, en um hálftíma akstur er milli þessara staða.

Menntunar- og hæfniskröfur

Skilyrði:

Háskólamenntun á sviði skipulags- og byggingarmála sbr. 8 gr. mannvirkjalaga nr. 160/2010

Réttindi til að starfa sem byggingarfulltrúi eða getur aflað réttindanna innan sex mánaða

Góð tölvukunnátta.

Góð færni í íslensku.

Stjórnunarhæfileikar og leiðtogafærni.

Framúrskarandi hæfni í mannlegum samskiptum og lausnamiðuðum hugsun.

Frumkvæði, fagmennska og samviskusemi og einlægur áhugi á málefnasviðinu.

Æskilegt:

Þekking á lögum um mannvirki, byggingarreglugerð og skipulagslögum.

Þekking á góðum stjórnsýsluháttum og reynsla sem nýtist í starfi.

Reynsla af stefnumótun á málefnasviðinu.

Reynsla af stjórnun starfsmanna og verkefnastjórnun.

Helstu verkefni og ábyrgð

Leiðir faglega þróun og stefnumótun í byggingarmálum og verklegum framkvæmdum.

Sinnir lögbundnu hlutverki byggingarfulltrúa skv. viðeigandi löggjöf, ber þ.á.m. ábyrgð á afgreiðslufundum byggingarfulltrúa og undirbúningi byggingarmála í fagnefndum sveitarfélaganna.

Ber ábyrgð á daglegri starfsemi í byggingarmálum og verklegum framkvæmdum í samstarfi við verkstjóra áhaldahúsa og umsjónarmenn fasteigna.

Er yfirmaður starfsmanna í áhaldahúsum og eignaumsýslu og hefur yfirumsjón með nýframkvæmdum og viðhaldi.

Ber ábyrgð á gerð verk- og kostnaðaráætlana, gerð útboðsgagna og samningsgerð við verktaka og hönnuði og eftirliti með byggingarframkvæmdum og öðrum verklegum framkvæmdum sveitarfélaganna.

Ber ábyrgð á frágangi og úthlutun lóða, skráningu fasteigna, leigu- og lóðaleigusamningum.

Hefur umsjón með gjaldtöku, skráningu, varðveislu og miðlun upplýsinga um mannvirki til íbúa.

Tekur við og sinnir ýmsum fyrirspurnum um byggingarmál og verklegar framkvæmdir í samvinnu við sviðsstjóra og/eða bæjarstjóra.

Sinnir ýmsum öðrum tilfallandi verkefnum að beiðni yfirmanns um byggingartengd málefni.

Reiknað er með að viðkomandi geti hafið störf 1. febrúar 2023 eða samkvæmt samkomulagi.

Launakjör eru samkvæmt kjarasamningi Sambands íslenskra sveitarfélaga og viðeigandi fagfélags.

Umsókninni skal fylgja ferilskrá og stutt kynningarbréf þar sem fram koma hugmyndir umsækjanda um faglega hlið starfsins og öðru því sem umsækjandi telur máli skipta og varpað getur ljósi á færni til að sinna stöðu byggingarfulltrúa.

Nánari upplýsingar um starfið veitir: Kristín Þorleifsdóttir, sviðsstjóri umhverfis- og skipulagssviðs í netfangið [email protected] og/eða síma 433 8100.

Umsóknum ásamt fylgigögnum skal skilað í ráðningakerfi Alfreðs.

Umsóknarfrestur er til og með 25. nóvember 2022.

Eyja- og Miklaholtshreppur, Grundarfjarðarbær og sameinað sveitarfélag Stykkishólms og Helgafellssveitar eru þrjú af fjórum sveitarfélögum á Snæfellsnesi og hafa hlotið EarthCheck umhverfisvottun í rúman áratug. Íbúar eru um 2300 talsins og býr meirihluti þeirra í þéttbýliskjörnunum Stykkishólmi og Grundarfirði. Á Snæfellsnesi er fjölskrúðug og falleg náttúra og gott mannlíf. Atvinnuvegir eru fjölbreyttir og samfélagið fjölskylduvænt. Alla helstu grunnþjónustu er að finna á svæðinu, m.a. leikskóla, grunnskóla, tónlistarskóla og framhaldsskóla, öflugt íþróttastarf, heilsugæslu, bókasöfn, matvöruverslanir og margt fleira. Blómleg ferðaþjónusta býður ótal skemmtilega afþreyingarmöguleika fyrir heimafólk sem gesti. Aðstaða er fyrir störf án staðsetningar, t.d. fyrir maka og svo er aðeins um 1,5-2 klst. akstur til höfuðborgarinnar!

Auglýsing birt11. nóvember 2022

Umsóknarfrestur25. nóvember 2022

Tungumálahæfni

Engar sérstakar tungumálakröfur

Staðsetning

Borgarbraut 16, 350 Grundarfjörður

Starfstegund

Starfsgreinar

Starfsmerkingar

Sambærileg störf (7)