Laus störf Hæfnileit Vinnustaðir Námskeið

Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

Vinnustaðurinn

Bílstjóri í innanbæjarakstur í Reykjavík

Eimskip Reykjavík leitar að þjónustuliprum og ábyrgum meiraprófsbílstjóra í framtíðarstarf. Vinnutími er kl. 7-15 á virkum dögum.

Við leitum að einstaklingi sem hefur metnað til að skila árangri, vinnur vel í teymi og byggir traust í samskiptum – í takt við gildi Eimskips: árangur, samstarf og traust.

Hjá Eimskip Reykjavík er nýlegur floti flutningabíla sem er vel viðhaldið og allur aðbúnaður til fyrirmyndar. Mikil áhersla er á þjálfun og öryggismál hjá Eimskip.

Helstu verkefni og ábyrgð

Vörudreifing Reykjavík og nágrenni
Lestun og losun hjá viðskiptavinum
Jákvæð samskipti og framúrskarandi þjónusta til viðskiptavina
Önnur tilfallandi verkefni

Menntunar- og hæfniskröfur

Meirapróf C er skilyrði og CE er kostur
Réttindi til aksturs í atvinnuskyni er skilyrði
Lyftarapróf er kostur
ADR réttindi er kostur
Góð íslensku og/eða ensku kunnátta
Geta til að vinna undir álagi
Framúrskarandi þjónustulund og hæfni í mannlegum samskiptum
Frumkvæði og sjálfstæð vinnubrögð
Góð líkamleg færni

Fríðindi í starfi

Heitur matur í hádeginu, fjölbreytt verkefni og góður starfsandi í samhentu teymi.
Aðgangur að öflugu starfsmannafélagi sem m.a. rekur frábær orlofshús um allt land.
Heilsu- og hamingjupakki sem inniheldur samgöngustyrk og styrki fyrir líkamsrækt, sálfræðiþjónustu og fleira.

Nánari upplýsingar veitir Anton Oddsson, [email protected].

Eingöngu er tekið við umsóknum í gegnum ráðningarvef Eimskips. Hreint sakavottorð og 18 ára aldur er skilyrði fyrir ráðningu hjá Eimskip.

Umsóknarfrestur er til og með 25.janúar 2026.

Eimskip er alþjóðlegt flutningafyrirtæki sem sinnir gáma- og frystiflutningum í Norður-Atlantshafi og sérhæfir sig í flutningsmiðlun með áherslu á flutninga á frosinni og kældri vöru. Með siglingakerfi sínu tengir Eimskip saman Evrópu og Norður-Ameríku í gegnum Ísland. Félagið starfrækir 56 skrifstofur í 20 löndum og hefur á að skipa fjölbreyttum hópi starfsfólks en í heildina starfa 1.700 einstaklingar af 43 þjóðernum hjá félaginu.

Eimskip leggur áherslu á jafnrétti, heilsu og vellíðan starfsfólks þar sem markvisst er unnið í samræmi við jafnréttisáætlun að jafnri stöðu starfsfólks óháð kyni og leitast eftir því að hafa vinnuumhverfið sem öruggast og heilsusamlegast. Í anda jafnréttisstefnu Eimskips eru öll kyn hvött til að sækja um.

Auglýsing birt15. janúar 2026

Umsóknarfrestur25. janúar 2026

Tungumálahæfni