Verkefnastjóri á dreifingarsviði í sumarafleysingar

Olíudreifing ehf. leitar að skipulögðum verkefnastjóra í sumarafleysingar í dreifingardeild á skrifstofu fyrirtækisins í Reykjavík.

Um er að ræða spennandi starf við verkefnastýringu og sér viðkomandi um skipulagningu á dreifingu á fljótandi eldsneyti.

Helstu verkefni:

• Dagleg verkefnastýring á dreifingu eldsneytis og vinnu bílstjóra
• Móttaka á eldsneytispöntunum og þjónustubeiðnum
• Eftirfylgni með viðhaldi á olíubílum
• Samskipti við viðskiptavini

Hæfniskröfur:

• Rík öryggisvitund, þjónustulund og hæfni í mannlegum samskiptum
• Þekking og reynsla af sambærilegum verkefnum er kostur
• Menntun sem nýtist í starfi
• Þekking og reynsla af akstri stórra bíla er kostur
• Góð almenn tölvuþekking
• Geta til að eiga samskipti á ensku við bílstjóra varðandi verkefni dagsins

Við bjóðum þér:

• Spennandi verkefni og tækifæri til að læra
• Niðurgreiddan hádegismat
• Öflugt starfsmannafélag

Við hlökkum til að fá umsóknina þína
Umsóknarfrestur er til og með 12. mars 2026. Nánari upplýsingar veitir Helgi Marcher Egonsson, dreifingarstjóri ([email protected]).
Við hvetjum öll kyn til að sækja um.

Um Olíudreifingu:

Olíudreifing er þekkingar- og þjónustufyrirtæki á sviði orkumála. Hlutverk Olíudreifingar er að dreifa og halda utan um birgðir á fljótandi orkugjöfum. Félagið er nú þegar þátttakandi í orkuskiptum og er að undirbúa meðhöndlun rafeldsneytis.

Fyrirtækið rekur bifreiða-, járnsmíða-, dælu- og rafmagnsverkstæði. Einnig er rekið þjónustuverkstæði sem sinnir viðhaldi á raf- og vélbúnaði. Starfsfólk félagsins er um 130 talsins og starfar á starfsstöðvum víðsvegar um landið. Unnið er samkvæmt gæðavottuðum vinnuferlum.

Nánari upplýsingar um Olíudreifingu ehf. má finna á www.odr.is.