Álftanesskóli

Álftanesskóli er grunnskóli fyrir nemendur í 1.-10. bekk. Í skólanum eru tæplega 400 nemendur og 75 starfsmenn. Áhersla er lögð á metnaðarfullt starf, vellíðan nemenda og umhverfisvernd. Í Álftanesskóla er áhersla lögð á að hver nemandi fái kennslu við hæfi til að þroska hæfileika sína – Allir eru einstakir. Álftanesskóli starfar eftir hugmyndafræði og vinnuaðferðum Uppeldis til ábyrgðar- uppbygging sjálfsaga.

Vinnustaðurinn

Álftanesskóli auglýsir eftir starfsmanni í frístundaheimilið Álftamýri

Álftanesskóli auglýsir eftir starfsmanni í frístund. Frístundastarf fer fram frá kl. 13.00 eftir að skóla lýkur og til kl. 16.30. Um er að ræða hlutastörf sem hentar mjög vel sem aukavinna með námi.

Í Álftanesskóla er unnið af miklum metnaði og áhersla lögð á notalegt andrúmsloft, umhyggju og góðan árangur. Í skólanum eru persónuleg samskipti milli nemenda, starfsfólks og foreldra. Samvinna er mikil og góð á milli allra þeirra sem starfa í skólasamfélaginu. Í skólanum ríkir góður starfsandi og boðið er upp á gott starfsumhverfi. Nánari upplýsingar um skólann má finna á heimasíðunni www.alftanesskoli.is.

Leitað er eftir einstaklingum sem eru tilbúnir að starfa að sveigjanlegu tómstundastarfi í teymisvinnu samkvæmt skólastefnu Álftanesskóla.

Helstu verkefni og ábyrgð

Taka þátt í skipulagningu og framkvæmd á faglegu frístundastarfi
Stýra hópum í frístundastarfi og leiðbeina börnum í leik og starfi
Samráð og samvinna við börn og starfsfólk
Samskipti og samstarf við foreldra, starfsfólk skóla og aðra sem koma að starfi frístundaheimilisins

Menntunar- og hæfniskröfur

Uppeldismenntun sem nýtist í starfinu er kostur
Reynsla af starfi með börnum er æskileg
Reynsla af nemendum með sérþarfir æskileg
Ánægja af starfi með börnum
Dugnaður, jákvæðni, stundvísi og ábyrgðarkennd
Frumkvæði og sjálfstæð vinnubrögð
Íslenskukunnátta á stigi B2 samkvæmt samevrópskum tungumálaramma

Fríðindi í starfi

Heilsuræktarstyrkur fyrir starfmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfmenn sem ráðnir eru í starfshlutfall eftir 3 mánuði í starfi
Menningarkort fyrir starfmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfmenn sem ráðnir eru í starfshlutfall eftir 3 mánuði í starfi

Umsóknarfrestur er til og með 17. nóvember 2025. Gott ef viðkomandi getur hafið störf strax.
Nánari upplýsingar um starfið veitir Anna María Skúladóttir skólastjóri, [email protected] s. 8652959 og/eða Drífa Sigurjónsdóttir aðstoðarskólastjóri [email protected] s.8976755
Launakjör eru samkvæmt kjarasamningi Sambands íslenskra sveitafélaga og Starfsmannafélags Garðabæjar, STAG.
Áhugasamir einstaklingar, án tillits til kyns, eru hvattir til að sækja um.
Umsækjendur eru beðnir um að sækja um með því að smella á Skrá inn og sækja um starf hér fyrir neðan

Auglýsing birt3. nóvember 2025

Umsóknarfrestur17. nóvember 2025

Tungumálahæfni