Aðstoðarmatráður óskast í afleysingar

Við leitum að öflugum starfsmanni til tímabundinna starfa í eldhúsi Helgafellsskóla vegna veikindaforfalla.

Helgafellsskóli er samþættur leik- og grunnskóli með um 500 nemendur. Starfið er tímabundið til þriggja mánaða, með möguleika á framlengingu.

Helgafellsskóli er heilsueflandi skóli þar sem áhersla er lögð á hollan og næringarríkan mat.

Aðstoðarmatráður sinnir fjölbreyttum daglegum verkefnum í eldhúsi, meðal annars matseld, uppvaski, frágangi og ræstingu. Einnig felur starfið í sér frágang á þvotti og önnur tilfallandi verkefni eftir þörfum. Vinnutími er frá kl. 8:00 til 16:00 alla virka daga.

Mosfellsbær er öflugt og framsækið sveitarfélag þar sem virðing, jákvæðni, framsækni og umhyggja eru höfð að leiðarljósi í daglegu starfi.