Aðstoðarkona óskast á morgunvaktir

32 ára kona í Vesturbæ Reykjavíkur óskar eftir aðstoðarkonu í hlutastarf á morgunvaktir á mánudögum og föstudögum og annan hvern fimmtudag kl. 08:00–11:00, með möguleika á ýmsum aukavöktum.

Æskilegt er að viðkomandi sé 25 ára eða eldri. Konan er á einhverfurófi og felst starfið í aðstoð við daglegar athafnir og veita henni félagsskap.

Helstu áhugamál hennar eru prjónaskapur, ýmis önnur handavinna, föndur og kórsöngur. Gott er að aðstoðarkonan hafi áhuga á handavinnu.

Á heimilinu er lítill hundur.

Starfið byggir á hugmyndafræðinni um sjálfstætt líf og eru laun samkvæmt sérkjarasamningum NPA miðstöðvarinnar við Eflingu og Starfsgreinasambandið.

Hæfniskröfur:

• Þolinmæði.
• Frumkvæði.
• Góð samskiptahæfni.
• Að vera hvetjandi og skapandi.
• Reynsla af starfi með fötluðu fólki er kostur en ekki skilyrði.
• Íslenskukunnátta er skilyrði.
• Bílpróf og aðgengi að bíl er æskilegt.

Starfið hentar vel með skóla eða annarri vinnu.