Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Aðstoðarhjúkrunardeildarstjóri - Boðaþing

Ert þú samviskusamur og skipulagður hjúkrunarfræðingur í leit að nýju starfstækifæri? Hefur þú áhuga á að prófa þig áfram í stjórnunarstöðu en vilt á sama tíma fá að sinna hjúkrun?

Þá erum við mögulega að leita að þér.

Hrafnista Boðaþingi óskar eftir að ráða til sín aðstoðardeildarstjóra hjúkrunar í 80-100% starf.

Aðstoðarhjúkrunardeildarstjóri er staðgengill deildarstjóra í fjarveru hans og aðstoðar við ýmis verkefni tengd rekstri og stjórnun deildar. Aðstoðarhjúkrunardeildarstjórar eru sömuleiðis með ákveðin fagleg ábyrgðarsvið á deildinni og er vaktafyrirkomulag eftir samkomulagi.

Aðstoðarhjúkrunardeildarstjóri er hluti af stjórnendahópi Hrafnistu.

Helstu verkefni og ábyrgð

Aðstoð við stjórnun og rekstur hjúkrunardeildar
Skipulag á störfum starfsfólks í samræmi við þarfir þjónustuþega
Eftirlit og mat á gæðum hjúkrunar
Ráðgjöf og fræðsla til þjónustuþega og aðstandenda
Teymisvinna

Menntunar- og hæfniskröfur

Íslenskt hjúkrunarleyfi
Reynsla af stjórnun kostur
Reynsla af RAI mælitækinu kostur
Frumkvæði, jákvæðni og faglegur metnaður
Góð hæfni í mannlegum samskiptum

Fríðindi í starfi

Heilsuræktarstyrkur
Samgöngustyrkur með strætó
Stuðningur til framþróunar í formi leyfa á launum og námstyrkja
Við bjóðum upp á jákvæðan og skemmtilegan starfsanda, áhugaverð verkefni og starf sem er í sífelldri þróun.

Hrafnista Boðaþingi er byggt árið 2010 og er eitt af átta heimilum Hrafnistu. Á heimilinu búa 44 íbúar en með stækkun heimilisins næsta sumar koma íbúar heimilisins til með að vera 108 talsins.

Hrafnista vinnur eftir hugmyndafræði Hrafnistu. Hugmyndafræðin snýr að því að Hrafnista sé leiðandi í öldrunarþjónustu á Íslandi og vinnur að því að veita öldruðum áhyggjulaust ævikvöld. Við vinnum stöðugt að því markmiði að veita framúrskarandi þjónustu svo íbúar, aðrir þjónustuþegar og aðstandendur upplifi öryggi, traust og vellíðan - en það teljum við vera hornsteina þess virðis sem við viljum skapa fyrir okkar viðskiptavini.

Ef þú vilt vinna á fjölskylduvænum vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Frekari upplýsingar veitir Kristrún Benediktsdóttir forstöðumaður (kristrun.benediktsdottir@hrafnista.is)

Athugið að byrjað verður að vinna úr umsóknum um leið og þær berast.

Auglýsing birt19. september 2024

Umsóknarfrestur30. september 2024

Tungumálahæfni