Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Iðjuþjálfi - Hrafnista Laugarási

Hrafnista Laugarási óskar eftir að ráða til sín iðjuþjálfa. Einnig kemur til greina að ráða inn starfsmann með menntun sem nýtist á iðjuþjálfunardeild.
Starfshlutfall er samkomulagsatriði.

Starfið er fjölbreytilegt og krefst sjálfstæðra vinnubragða, lausnamiðaðrar hugsunar og góðrar samskiptahæfni.

Um er að ræða spennandi starf sem býður upp á mikinn sveigjanleika og öfluga liðsheild ásamt mótun og þróun á starfinu.

Á Hrafnistu leitast iðjuþjálfar við að starfa einstaklingsmiðað þannig að þarfir hvers og eins séu hafðar að leiðarljósi, að viðkomandi hafi hlutverk og fái tækifæri til að njóta iðju sem hann hefur áhuga á hverju sinni. Þannig hefur þátttakan jákvæð áhrif á heilsu og vellíðan einstaklingsins.

Helstu verkefni og ábyrgð

Ábyrgð á þeirri iðjuþjálfun sem hann veitir og mat á árangri meðferðar
Meta færni, veita færniþjálfun og ráðgjöf
Skráning og skýrslugerð
Fræðsla og skipulagning starfa aðstoðarfólks iðjuþjálfa á deild
Fræðsla og hópastarf til sjúklinga og aðstandenda
Þátttaka í hópastarfi
Þátttaka í þverfaglegu samstarfi/teymi
Þátttaka í fagþróun

Menntunar- og hæfniskröfur

Íslenskt starfsleyfi sem iðjuþjálfi
Hæfni í mannlegum samskiptum og jákvætt viðhorf
Skipulagshæfni, frumkvæði og sjálfstæði í vinnubrögðum
Íslenskukunnátta

Hrafnista er stærsta hjúkrunarheimili landsins og telur nú 8 heimili og u.þ.b. 1700 starfsmenn. Á Hrafnistu Laugarási búa 190 íbúar og þar er veitt sólarhrings hjúkrunar- og læknisþjónusta.

Við leggjum okkur fram við að vera leiðandi í öldrunarþjónustu og höfum andlega, líkamlega og félagslega vellíðan íbúa okkar ávallt í brennidepli. Meginmarkmið í öllu okkar starfi er að viðhalda frumkvæði íbúa með því að hvetja þá til að vera virkir þátttakendur í eigin lífi í samræmi við eigin heilsu og getu.

Hvetjum fólk á öllum aldri og af öllum kynjum til að sækja um.

Auglýsing birt10. september 2024

Umsóknarfrestur19. september 2024

Tungumálahæfni