Laus störf Hæfnileit Vinnustaðir Námskeið

Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Vinnustaðurinn

Ábyrgðaraðili stjórnkerfa virkjunum ON

Við leitum að metnaðarfullum sérfræðingi í hlutverk ábyrgðaraðila stjórnkerfa í virkjunum Orku náttúrunnar.
Starfið tilheyrir deild Raf- og Stjórnkerfa sem sinnir m.a. eignastýringu á öllum rafbúnaði orkuframleiðslukerfa fyrirtækisins, Há-, lágspennu- og varnarbúnaði ásamt stjórn- og netkerfum virkjanareksturs.

Helstu verkefni og ábyrgð

Í hlutverki ábyrgðaraðila kemur þú með að gegna lykilhlutverki við forgangsröðun stjórnkerfistengdra verka.

Á meðal annarra verkefna eru uppfærsla á hugbúnaði í stjórnkerfum, bilana- og veikleikagreiningar, þróun og innleiðing nýrra lausna, stuðningshlutverk í fjárfestingar- og þróunarverkefnum ásamt þátttöku í fjölbreyttum verkefnum tengdum stafrænni vegferð ON.

Við leitum því að ábyrgum einstakling sem býr yfir reynslu af rekstri stjórnkerfa úr sambærilegu starfsumhverfi. Viðkomandi mun vinna í nánu samstarfi við ábyrgðarmenn búnaðar, rekstraraðila virkjana og aðra hagaðila.

Menntunar- og hæfniskröfur

Reynsla af hönnunar- og forritunarvinnu við stjórnkerfi (DCS/PLC/SCADA) er skilyrði
Lesskilningur á rafmagns- og stýriteikningum er skilyrði
Þekking á varnarbúnaði rafmagns og netkerfum er kostur
Reynsla af viðhaldsstjórnunarkerfum er kostur
Rík öryggisvitund er skilyrð
Samskipta- og samstarfsfærni, frumkvæði og lausnamiðuð hugsun
Menntun sem nýtist í starfi

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við tökum jafnréttið alvarlega!

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 12. apríl 2026.

Nánari upplýsingar veitir Helgi Sigurgeirsson, deildarstjóri Raf- og stjórnkerfa, [email protected].

Farið er með allar umsóknir sem trúnaðarmál.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Auglýsing birt25. mars 2026

Umsóknarfrestur12. apríl 2026

Tungumálahæfni