Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Profil pracodawcy

Verkefnisstjóri Vatnajökulsþjóðgarðs

Náttúruverndarstofnun leitar að öflugum og lausnamiðuðum verkefnisstjóra til að leiða samræmingar- og þróunarverkefni innan Vatnajökulsþjóðgarðs. Starfið felur í sér víðtækt samstarf við þjóðgarðsverði, svæðisstjórn og aðra hagaðila með það að markmiði að efla starfsemi þjóðgarðsins og tryggja samræmi og gæði í rekstri og náttúruvernd.

Verkefnisstjóri starfar í nánu samstarfi við þjóðgarðsverði á öllum svæðum Vatnajökulsþjóðgarðs og aðra stjórnendur í stofnuninni. Æskilegt er að starfstöð verkefnastjóra sé á einni af meginstarfsstöðvum Vatnajökulsþjóðgarðs sem eru staðsettar á Höfn í Hornafirði, í Skaftafelli, á Kirkjubæjarklaustri, í Mývatnssveit, Ásbyrgi og Fellabæ.

Helstu verkefni og ábyrgð

Stuðningur við starf svæðisstjórnar Vatnajökulsþjóðgarðs, m.a. undirbúningur, umsjón og úrvinnsla funda í samstarfi við þjóðgarðsverði og aðra stjórnendur.
Tengiliður milli þjóðgarðsvarða og annarra stjórnenda Náttúruverndarstofnunar við svæðisstjórn Vatnajökulsþjóðgarðs.
Yfirsýn yfir starfsemi þjóðgarðsins og samstarf þvert á skipulagseiningar varðandi málefni þjóðgarðsins.
Samhæfing og stuðningur við verkefni þjóðgarðsvarða á svæðum Vatnajökulsþjóðgarðs í samstarfi við svæðisstjórn og aðra stjórnendur í Náttúruverndarstofnun.
Leiða þverfagleg verkefni og stuðla að samstarfi við tengiliði á svæðum þjóðgarðsins ásamt samstarfi við önnur friðlýst svæði.
Þátttaka í þróun og innleiðingu verklagsreglna og gæðaferla.
Umsjón með samskiptum og upplýsingamiðlun í tengslum við verkefni Vatnajökulsþjóðgarðs.
Þátttaka í stefnumótun og innleiðingu stefnu fyrir þjóðgarðinn, þar á meðal markmiða í stjórnunar- og verndaráætlun þjóðgarðsins.

Menntunar- og hæfniskröfur

Háskólamenntun sem nýtist í starfi
Reynsla af verkefnastjórnun og teymisvinnu eða hæfni til að leiða verkefni og teymi er skilyrði.
Framúrskarandi samskipta- og samstarfshæfni.
Mjög góð skipulagshæfni, frumkvæði og sjálfstæði í vinnubrögðum.
Leiðtogahæfni og sveigjanleiki í fjölbreyttum verkefnum.
Þekking á náttúruvernd og opinberri stjórnsýslu er kostur.
Reynsla af verkefna- eða skjalastjórnunarkerfum er kostur.
Góð færni í íslensku og ensku, bæði í ræðu og riti.

Um Náttúruverndarstofnun

Náttúruverndarstofnun tók til starfa þann 1. janúar 2025 þegar starfsemi Vatnajökulsþjóðgarðs og sá hluti Umhverfisstofnunar sem sneri að náttúruvernd og lífríkis- og veiðistjórnun sameinuðust í nýja stofnun. Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar.

Vinsamlegast látið ferliskrá og kynningarbréf þar sem færð eru rök fyrir hæfni í starfið fylgja með umsókninni.Við hvetjum áhugasöm til að sækja um óháð kyni og uppruna.Öllum umsóknum verður svarað þegar ákvörðun um ráðningu verður tekin.

Utworzono ofertę pracy3. November 2025

Termin nadsyłania podań13. November 2025

Znajomość języków