Sýningarstjóri – Sýning um Ferðabók Eggerts og Bjarna í Ness
Vilt þú leiða spennandi og nýstárlegt sýningarverkefni í Nesstofu á Seltjarnarnesi um hina sögufrægu Ferðabók þeirra Eggerts Ólafssonar og Bjarna Pálssonar?
Verkefnisstjórn átaksverkefnis um eflingu dansk-íslensks vísindasamstarfs var skipuð af stjórnvöldum í tilefni af 75 ára afmæli lýðveldisins árið 2019. Hlutverk hennar er að leiða átakið með það að markmiði að efla vísindasamstarf vinaþjóðanna tveggja til framtíðar og heiðra margra alda farsæla samvinnu þeirra á sviði vísinda og fræða. Áhersla er lögð á rannsóknir tengdar náttúru og menningu á norðurslóðum.
Í undirbúningi er sýning er mun standa um nokkurra ára skeið í Nesstofu á Seltjarnarnesi og mun fjalla um Ferðabók Eggerts Ólafssonar og Bjarna Pálssonar. Sýningin er samstarfsverkefni Stofnunar Vigdísar Finnbogadóttur í erlendum tungumálum, Þjóðminjasafns Íslands og Náttúruminjasafns Íslands. Munu fulltrúar þessara stofnana mynda sýningarstjórn auk þess að njóta liðsinnis tveggja sagnfræðinga, dansks og íslensks, sem stunda nú rannsóknir á Ferðabókinni og þýðingu hennar bæði hérlendis og erlendis.
Við leitum að kraftmiklum, frumlegum og skapandi einstaklingi til að stýra gerð sýningar um Ferðabókina. Sýningin skal vera þverfagleg og meðal annars fjalla um rannsóknir þeirra félaga og hvernig leiðangur þeirra tengist vísindasögu og landkönnun á tímum upplýsingarinnar, tilurð Ferðabókarinnar, efni hennar ásamt þýðingu verksins bæði hérlendis og erlendis. Áhersla verður lögð á listræna og nýstárlega miðlun.
- Reynsla af sýningarhaldi og verkefnastjórnun
- Menntun eða reynsla á sviði sagnfræði eða menningarsögu, náttúrufræði og vísindasögu, menningarmiðlun, bókmenntum, þjóðfræði eða safnafræði
- Yfirgripsmikil þekking á íslenskri menningu og tengslum Íslands við Danmörku og önnur lönd á tímum upplýsingarinnar
- Þekking og reynsla af margmiðlun og notkun stafrænna miðla
- Góð tök á íslensku, dönsku og ensku
- Góð hæfni í textagerð, miðlun og framsetningu efnis
- Framúrskarandi skipulagshæfileikar og lipurð í samskiptum
islandzki
Angielski
duński
