Barna- og fjölskyldustofa

Barna- og fjölskyldustofa er leiðandi í þjónustu í þágu farsældar barna. Hjá stofnuninni starfa um 150 manns í fjölbreyttum störfum á starfsstöðvum á höfuðborgarsvæðinu, á Hellu og í Eyjafjarðarsveit. Stofnunin heyrir undir Barna- og menntamálaráðuneytið. Meginverkefni Barna- og fjölskyldustofu er að veita fræðslu, ráðgjöf og handleiðslu á sviði barnaverndar og samþættingar þjónustu í þágu farsældar barna. Stofnunin leggur mat á væntanlega fósturforeldra, heldur fósturforeldranámskeið ásamt því að veita fósturforeldrum ráðgjöf og stuðning. Veitir börnum, innan barnaverndar, þjónustu sem lýtur að sérhæfðum meðferðarúrræðum (Stuðlar, Lækjarbakki og Bjargey), fjölkerfameðferð MST og starfsemi Barnahúss. Auk þess leggur stofan áherslu á fræðilegar rannsóknir og stuðning við þróunar- og rannsóknarstarf ásamt uppsetningu og innleiðingu á samræmdum gagnagrunni í barnavernd á landsvísu. Meginmarkmið Barna- og fjölskyldustofu: • Veita framúrskarandi þjónustu í þágu farsældar barna með áherslu á gæðaþróun og stafrænar lausnir. • Vera í fararbroddi í fræðslu og leiðsögn við þá sem veita börnum og fjölskyldum þjónustu. • Veita fjölbreytt og sérhæfð úrræði fyrir börn byggð á gagnreyndum aðferðum. • Stofnunin búi yfir fjölbreyttum starfshóp sem er faglegur og kraftmikill.

Profil pracodawcy

Starfsmaður óskast í nýtt og spennandi starf

Viltu taka þátt í að móta framtíðarþjónustu við börn og fjölskyldur?

Barna- og fjölskyldustofa leitar að öflugum og framsýnum starfskrafti til að sinna verkefnum á Gæða og Farsældarsviði. Við leitum að einstaklingi með brennandi áhuga á þjónustu við börn til að starfa við innleiðingu gagnreyndra aðferða í málefnum barna og fjölskyldna.

Viðkomandi mun gegna lykilhlutverki í þróun og innleiðingu Merki um öryggi (Signs of Safety) og Samvinna eftir skilnað (SES Family). Um er að ræða gagnreynd verkfæri sem byggja á alþjóðlega viðurkenndum aðferðum og rannsóknum og er ætlað að efla faglega þjónustu á landsvísu ásamt því að valdefla börn og foreldra. Viðkomandi mun taka þátt í þverfaglegu samstarfi innan sem utan stofnunarinnar.

Helstu verkefni og ábyrgð

Aðstoð við innleiðingu og þróun Signs of Safety og SES Family á landsvísu og stuðningur við markmið og umbótaverkefni.
Gæðaþróun faglegra verkferla í þjónustu við börn og fjölskyldur.
Greining, miðlun og eftirfylgni með árangri og áhrifum verkefna.
Notkun og þróun stafræns efnis og vettvangs í þjónustu við börn, foreldra og fagfólk.
Fræðsla og miðlun efnis, m.a. á stafrænum vettvangi og samfélagsmiðlum.
Verkefnin eru unnin í samstarfi við erlenda sérfræðinga.

Menntunar- og hæfniskröfur

Háskólamenntun sem nýtist í starfi, t.d. innan félags-, uppeldis-, menntunar- eða heilbrigðisvísinda.
Reynsla eða þekking á gæða- og umbótastarfi er kostur.
Góð þekking og reynsla af stafrænum lausnum og samfélagsmiðlum er kostur.
Mjög góða samskiptahæfileika, jákvætt viðhorf og hæfni til að vinna í teymi.
Sveigjanleiki og sjálfstæði í vinnubrögðum.
Skipulagshæfni, skapandi- og lausnamiðuð hugsun.
Mjög góð íslenskukunnátta í rituðu og töluðu máli.
Góð enskukunnátta í rituðu og töluðu máli er nauðsynleg.
Kostur ef umsækjandi er með kunnáttu í Norðurlandamáli.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða fullt starf. Við úrvinnslu umsókna um störfin gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofan aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um, óháð kyni.

Með umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfnikröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.

Við bjóðum:

Tækifæri til að taka virkan þátt í þróun og umbótum sem skipta fjölskyldur máli.
Nútímalegt og sveigjanlegt vinnuumhverfi.
36 klukkustunda vinnuviku.
Samstarf við eldhuga / fagfólk sem vinnur að velferð barna.
Hlutverk sem hefur áhrif á stefnumótun og þjónustu á landsvísu.

Starfshlutfall er 100%

Umsóknarfrestur er til og með 19.05.2025

Nánari upplýsingar veitir

Guðrún Þorleifsdóttir, [email protected] - Sími: 5302600

Páll Ólafsson, [email protected] -Sími: 5302600

Utworzono ofertę pracy7. May 2025

Termin nadsyłania podań19. May 2025

Znajomość języków