Svæðisstjóri æskulýðsmála á höfuðborgarsvæðinu

Biskup Íslands auglýsir eftir svæðisstjóra æskulýðsmála fyrir Kjalarness- og Reykjavíkurprófastdæmi eystra og vestra

Helstu verkefni:

Svæðisstjóri hefur í umboði biskups og prófasta tilsjón með æskulýðsstarfi barna á grunnskólaaldri, og heildaryfirsýn með æskulýðsleiðtogum sem starfa fyrir kirkjurnar á svæðinu.

• Vinnur að átaksverkefnum innan prófastsdæmanna í kirkjulegu barnastarfi og æskulýðsmálum.
• Vinnur með starfsfólki safnaða að undirbúningi barna og æskulýðsstarfs.
• Boðar æskulýðsleiðtoga til reglulegra samráðsfunda.
• Heldur námskeið og veitir fræðslu til æskulýðsleiðtoga.
• Skipuleggur og heldur utan um æskulýðsmót og aðra viðburði.
• Hefur umsjón með Leiðtogaskóla þjóðkirkjunnar í prófastsdæmunum.
• Samstarf við fræðslusvið Þjóðkirkjunnar og aðra svæðisstjóra æskulýðsmála.
• Svæðisstjóri kynni sér stefnumörkun og samþykktir kirkjuþings s.s. fræðslustefnu þjóðkirkjunnar varðandi kirkjulegt starf fyrir ungmenni og vinnur í samræmi við samþykktir héraðsnefndar svæðisins.
• Situr fyrir hönd kirkjunnar í forvarnarhópunum Saman og Náum áttum.

Menntunar og hæfniskröfur:

Háskólapróf og reynsla sem nýtist í starfi (t.d. guðfræðingur, djákni, kennari eða tómstunda- og félagsmálafræðingur)

Þekking og reynsla af kirkjulegu starfi

Framúrskarandi færni í samskiptum

Farsæl reynsla af starfi með börnum og ungmennum

Frumkvæði, sjálfstæði og reynsla af teymisvinnu

Skipulagshæfni

Góð íslenskukunnátta

Aðrar upplýsingar

Um er að ræða 100% starf.

Hreint sakavottorð er áskilið í samræmi við lög sem og reglur Þjóðkirkjunnar. Þá skulu umsækjendur fylla út eyðublað þar sem biskupi er heimilaður aðgangur að tilteknum upplýsingum úr sakaskrá um viðkomandi umsækjanda. Skal undirrituð heimild þar um fylgja umsókninni. Tengil á eyðublaðið er að finna hér.

Frekari upplýsingar um starfið veita: Bryndís Malla Elídóttir prófastur og Ragnhildur Ásgeirsdóttir skristofu- og mannauðsstjóri Biskupsstofu.

Laun eru samkvæmt kjarasamningi launanefndar Þjóðkirkjunnar og Fræðagarðs.

Staðsetning: Breiðholtskirkja

Umsóknarfrestur er til 22. maí nk.

Viðkomandi þarf að geta tekið til starfa 1. ágúst 2025.

Svæðisstjórnin nær yfir Reykjavíkurprófastsdæmi eystra, Reykjavíkurprófastsdæmi vestra og Kjalarnessprófastsdæmi.