Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Profil pracodawcy

Sérfræðingur í vélaviðhaldi

Við leitum að öflugum og metnaðarfullum einstakling til að ganga til liðs við deild Orkuframleiðslukerfa hjá Orku náttúrunnar. Um er að ræða spennandi og fjölbreytt starf sem felur í sér sérfræðihlutverk í verkefnum tengdum vélbúnaði gufu- og vatnsaflstúrbína í virkjunum okkar á Hellisheiði, Nesjavöllum og í Andakíl.

Helstu verkefni og ábyrgð

Starfið snýr að rekstri og viðhaldi samtals þriggja vatnsaflstúrbína og ellefu gufuaflstúrbína með samanlagt yfir 431 MW í uppsettu afli.

Sérfræðingur í vélaviðhaldi skipuleggur viðhaldsverkefni, tryggir öruggt flæði þeirra og forgangsraðar í samráði við ábyrgðaraðila og deildarstjóra.

Á meðal annarra verkefna er þátttaka í mótun ferla og umbóta í tengslum við flæði verka, þátttaka í þróun DMM viðhaldsstjórnunarkerfis ON og útgáfa verkbeiðna.

Í framangreindu felst m.a. gerð áhættumats, verklýsinga og áætlanagerða, öflun aðfanga, forgangsröðun verka og upplýsingagjöf til hagsmunaaðila.

Menntunar- og hæfniskröfur

Þekking og reynsla af vinnu með vélbúnað
Reynsla af iðnaðarrekstri, s.s. úr stóriðju, virkjunum eða sambærilegu er kostur
Reynsla af vinnu með viðhaldsstjórnunarkerfi er kostur
Góð tækni- og tölvufærni, skipulagshæfni og yfirsýn
Frumkvæði og lausnarmiðuð hugsun
Sterk öryggisvitund er skilyrði
Þekking og reynsla af umhverfismálum er kostur
Tæknimenntun á sviði vélbúnaðar er skilyrði

Umsókn um starfið skal fylgja ferilskrá og kynningarbréf þar sem umsækjandi gerir grein fyrir hæfni sinni í starfið m.t.t. ofangreinds.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 1. júní 2025.

Eingöngu er tekið á móti umsóknum á ráðningarvef ON, starf.on.is.

Nánari upplýsingar veitir Elvar Aron Björnsson, deildarstjóri Orkuframleiðslukerfa í netfanginu [email protected].

Af hverju Orka náttúrunnar?

Orka náttúrunnar framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið. Við rekum virkjanir á Hellisheiði, Nesjavöllum og við Andakílsá.

Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið. Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum. Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Utworzono ofertę pracy6. May 2025

Termin nadsyłania podań1. June 2025

Znajomość języków