Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Profil pracodawcy

Leikskólinn Drekadalur - Kennarar

Nýr leikskóli, leikskólinn Drekadalur í Innri Njarðvík leitar eftir drífandi, skipulögðum og jákvæðum kennurum í okkar frábæra teymi þar sem starfsandinn í Drekadal er góður og einkennist af virðingu, jákvæðni, gleði og góðri samvinnu. Um fjölbreytt framtíðarstörf er að ræða sem krefst góðra hæfni í mannlegum samskiptum.

Leikskólinn Drekadalur verður með allt að 120 nemendum næsta skólaár 2026 - 2027. Í Drekadal er lögð áhersla á samvinnu, nýtingu mannauðs, flæði og útinámi ásamt leik barna sem er gert hátt undir höfði í skapandi námsumhverfi. Grunngildi leikskólans er gleði, leikur, virðing og hugrekki og einkunnarorð leikskólans er með opnum hug og gleði í hjarta þar sem við viljum að öllum börnum, foreldrum og starfsfólki líði vel.

Helstu verkefni og ábyrgð

Vinna að uppeldi og menntun barnanna
Taka þátt í skipulagningu starfs
Taka þátt í foreldrastarfi í samráði við deildarstjóra
Önnur verkefni samkvæmt starfslýsingu og sem yfirmaður felur honum
Að efla og viðhalda fagþekkingu sinni með reglubundinni endur- og símenntun

Menntunar- og hæfniskröfur

Leyfisbréf til að nota starfsheitið kennari (leyfisbréf fylgi umsókn)
Reynsla af uppeldis- og kennslustörfum með ungum börnum æskileg
Einlægur áhugi fyrir velgengni allra barna
Færni, sveigjanleiki og lipurð í samskiptum
Frumkvæði, sjálfstæði í vinnubrögðum og faglegur metnaður
Stundvísi og reglusemi
Góð íslenskukunnátta skilyrði
Hreint sakarvottorð skilyrði

Hlunnindi

Bókasafnskort
Gjaldfrjáls aðgangur í sund
Gjaldfrjáls aðgangur að menningarhúsum
Gjaldfrjáls aðgangur í strætó

Um er að ræða 100% starfshlutföll sem fyrst eða eftir nánara samkomulagi. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.

Ef ekki fást kennarar til starfa verður ráðnir starfsmenn með aðra uppeldismenntun og eða reynslu innan leikskóla.

Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Nánari upplýsingar veitir María Petrína Berg leikskólastjóri netfang [email protected] S. 8523964.

Utworzono ofertę pracy27. April 2026

Termin nadsyłania podań15. May 2026

Znajomość języków