Leikskólakennari óskast í Barnaskóla Kársness

Barnaskóli Kársness er nýr skóli sem hýsir fjögurra deilda leikskóla og yngsta stig grunnskóla ásamt frístund. Skólabyggingin er öll hin glæsilegasta sem skapar spennandi tækifæri í skólastarfi fyrir um 60-80 leikskólabörn og um 300 nemendur í 1.-4. bekk.

Leitað er að öflugum og metnaðarfullum leikskólakennara sem hefur góða hæfni í samskiptum og samstarfi, auk vilja til að þróa framsækið skólastarf. Viðkomandi þarf að vera skipulagður og umbótadrifinn. Leikskólakennarar taka þátt í að byggja upp jákvæðan skólabrag og skapandi skólastarf í stöðugri þróun í samvinnu við börn, starfsfólk, foreldra og skólayfirvöld. Ef ekki fæst leikskólakennari til starfa kemur til greina að ráða einstakling með aðra uppeldismenntun eða leiðbeinanda.

Þetta er starf fyrir framsækinn og árangursdrifinn einstakling sem vill taka þátt í uppbyggingu og mótun skólastarfs í nýjum skóla, börnum til heilla.