Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Profil pracodawcy

Álftanesskóli - tónmenntakennari

Álftanesskóli er grunnskóli fyrir nemendur í 1.-10. bekk. Í skólanum eru tæplega 390 nemendur og 75 starfsmenn. Áhersla er lögð á metnaðarfullt starf, vellíðan nemenda og umhverfisvernd einnig að hver nemandi fái kennslu við hæfi til að þroska hæfileika sína – allir eru einstakir. Álftanesskóli starfar eftir hugmyndafræði og vinnuaðferðum Uppeldis til ábyrgðar- uppbygging sjálfsaga.

Helstu verkefni og ábyrgð

Kennsla í tónmennt á öllum aldursstigum
Vinna að skólaþróun með stjórnendum og samstarfsmönnum
Stuðla að velferð nemenda og samstarfi við fagfólk skólans og forráðamenn
Þátttaka í teymisvinnu

Menntunar- og hæfniskröfur

Kennaramenntun og leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Sérhæfing eða reynsla á sviði tónmenntakennslu í grunnskóla
Lipurð og færni í mannlegum samskiptum ásamt metnaði í starfi
Frumkvæði, skipulagshæfni og sjálfstæði í vinnubrögðum
Áhugi á skólaþróun
Íslenskukunnátta á stigi C1 skv. evrópska tungumálarammanum
Góð tölvukunnátta
Reynsla af starfi í grunnskóla og/eða starfi með börnum er æskileg

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa sbr. lög nr. 95/2019.

Fríðindi í starfi

Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
Menningarkort fyrir starfsmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.

Umsóknarfrestur er til og með 12. maí 2026. Gert er ráð fyrir að ráðning taki gildi 1. ágúst. Um er að ræða 70-80% starf eftir samkomulagi.
Nánari upplýsingar um starfið veitir Anna María Skúladóttir skólastjóri, [email protected] og í síma 5404700/8652959 eða Drífa Sigurjónsdóttir aðstoðarskólastjóri [email protected] og í síma 5404700/8976755.
Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá.
Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélags.
Áhugasamir einstaklingar, án tillits til kyns, eru hvattir til að sækja um.
Umsóknum skal fylgja skrá yfir menntun og starfsferil, afrit af leyfisbréfi og kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila.

Utworzono ofertę pracy27. April 2026

Termin nadsyłania podań12. May 2026

Znajomość języków